گوگل نیوز پر ہمیں فالو کریںلاہور: مسلم لیگ ن کے نائب صدر اور قومی اسمبلی میں قائد حزب اختلاف میاں شہباز شریف نے ڈسکہ الیکشن میں ن لیگ کی کامیابی پر عوام کا شکریہ ادا کرتے ہوئے کہا ہے کہ نواز شریف اور شہباز شریف کو آپ سب پر فخر ہے۔
شہبازشریف کا کہنا تھا کہ ووٹ کی جنگ لڑنے والے کارکنان اور رہنماوں کا جمہوری جدوجہد میں سنہری حروف سے نام لکھا جائے گا۔ ڈسکہ کی جیت پر اللہ تعالی کے حضور سجدہ شکر بجا لائیں۔ ووٹ چوری کرنے سے عوام کی محبت کو مسلم لیگ ن سے دور نہیں کیا جاسکتا، عوام کی محبت اور اعتماد ہی ہماری سب سے بڑی دولت ہے۔
مسلم لیگ نے صدر کا کہنا تھا کہ آج پاکستان سے وہی آواز آرہی ہے جس کا فیصلہ ڈسکہ کی عوام نے کیا ہے۔ اللہ کو منظور ہوا تو اب قوم کوغربت سے نجات دلائیں گے، ن لیگ ایک بار پھر مہنگائی اور دوسری مشکلات سے نجات دلائے گی، غریبوں کا چولہا جلے گا اور صنعتوں کا پہیہ رواں ہوگا، عوام اور کارکنا ن اپنے حوصلے بلند رکھیں ان کی محنت رنگ لا رہی ہے۔
یہ بھی پڑھیں : ’کوئی بھوکا نہ سوئے‘ پروگرام کو پورے ملک میں پھیلائیں گے، وزیراعظم عمران خان
