گوگل نیوز پر ہمیں فالو کریںاسلام آباد:وزیرِ مملکت برائے موسمیاتی تبدیلی زرتاج گل وزیر نے پاکستان مسلم لیگ (ن) کے صدر شہباز شریف کے خلاف لفظی گولہ باری کرتے ہوئے کہا ہے کہ قومی اسمبلی کے قائدِ حزبِ اختلاف نے دھیلے کی نہیں بلکہ اربوں کی کرپشن کی۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر زرتاج گل وزیر نے کہا کہ سرکاری ٹھیکے لینے والے بیشتر کاروباری افراد نے بے بہا رقوم اور کروڑوں روپے جعلی اکاؤنٹس میں جمع کرائے جہاں سے یہ پیسہ خادمِ اعلیٰ کے اکاؤنٹ میں منتقل ہوا۔
پیغام میں وزیرِ مملکت زرتاج گل وزیر نے کہا کہ اپنے منہ میاں مٹھو خادمِ اعلیٰ نے پنجاب کی قوم کی ایسی خدمت کی کہ ان کی یہ بات درست لگتی ہے کہ انہوں نے ایک دھیلے کی بھی کرپشن نہیں کی۔ قائدِ حزبِ اختلاف قومی اسمبلی شہباز شریف دھیلے کی نہیں بلکہ اربوں کی بدعنوانی کے مرتکب ہوئے ہیں۔
سرکاری ٹھیکے لینے والے بیشتر کاروباری افراد نے بے بہا کروڑوں روپے جعلی اکاونٹس میں جمع کرائے جہاں سے 'اپنے منہ میاں مٹھو'،خود ساختہ خادم اعلی کے اکاونٹ میں پہنچائے گئے۔ پنجاب کی قوم کی ایسی خدمت کرنے پر شہباز شریف کی بات صحیح لگتی ہے کہ ایک دھیلے کی کرپشن نہیں، اربوں کی کرپشن ہے۔
— Zartaj Gul Wazir (@zartajgulwazir) May 20, 2020
یاد رہے کہ زرتاج گل وزیر مسلم لیگ (ن) کے رہنماؤں پر تنقید کے نشتر برساتی رہتی ہیں۔ اس سے قبل وزیرِ مملکت برائے موسمیاتی تبدیلی نے سابق وزیرِ اعظم اور مسلم لیگ (ن) کے سینئر رہنما شاہد خاقان عباسی کے سوال کو احمقانہ قرار دے دیا۔
ٹوئٹر پر 3 روز قبل اپنے پیغام میں وزیرِ موسمیاتی تبدیلی زرتاج گل وزیر نے کہا کہ شاہد خاقان عباسی کے انتہائی احمقانہ سوال پر اپوزیشن کے سپورٹرز پھولے نہیں سما رہے۔
مزید پڑھیں: سابق وزیرِ اعظم شاہد خاقان عباسی کا سوال احمقانہ قرار
