وزیراعظم نے بڑھتی ہوئی پیٹرولیم مصنوعات کی قیمتوں کا ذمہ دار عمران خان کو ٹھہرادیا

اسلام آباد: وزیراعظم شہباز شریف نے ملک میں پیٹرولیم مصنوعات کی قیمتوں میں اضافے کا ذمہ دار سابق وزیراعظم عمران خان کو ٹھہرادیا۔

سماجی رابطے کی ویب سائٹ ٹوئٹر پر وزیراعظم شہباز شریف نے پیٹرولیم مصنوعات کی قیمتوں میں اضافے پر ردعمل دیتے ہوئے کہا ہے کہ پیٹرولیم مصنوعات کی قیمتوں میں اضافے کے اثرات سے بخوبی آگاہ ہیں۔

Acutely aware of the impact that a fuel price hike causes. Govt is left with no choice but to raise the prices due to IMF deal that PTI govt signed. Will take the nation into confidence on the specifics of the IMF-PTI deal soon. We will get out of these economic difficulties, IA.

— Shehbaz Sharif (@CMShehbaz) June 16, 2022

انہوں نے لکھا کہ آئی ایم ایف معاہدے کی وجہ سے قیمتیں بڑھانے کے علاوہ کوئی چارہ نہیں، آئی ایم ایف معاہدے پر پی ٹی آئی حکومت نے دستخط کیے تھے۔

یہ بھی پڑھیں:

کاغذ کی قیمتوں میں ہوشربا اضافہ، پبلشرز نے کتابیں چھاپنے سے انکار کردیا

شہباز شریف نے کہا کہ آئی ایم ایف اور پی ٹی آئی حکومت کی ڈیل کی تفصیلات سے جلد قوم کو آگاہ کریں گے، ہم بہت جلد معاشی مشکلات سے نکلیں گے۔

قبل ازیں وفاقی وزیر خزانہ مفتاح اسماعیل نے بدھ کو اعلان کیا کہ حکومت اب سبسڈی برداشت کرنے کی پوزیشن میں نہیں، اس لیے پیٹرول کی قیمت میں 24 روپے 03 پیسے اور ڈیزل کی قیمت میں 59 روپے اضافے کا فیصلہ کیا ہے۔

وفاقی وزیر نے کہا کہ 16 جون سے پیٹرول کی قیمت 233.89 روپے فی لیٹر، ڈیزل 263.31 روپے، مٹی کا تیل 211.43 روپے اور لائٹ ڈیزل آئل کی قیمت 207.47 روپے فی لیٹر ہو گی۔

مفتاح اسماعیل نے کہا کہ حکومت نے ”بھاری” دل کے ساتھ قیمتوں میں اضافہ کیا ہے کیونکہ دنیا میں تیل کی بڑھتی ہوئی قیمتوں کی وجہ سے کوئی دوسرا آپشن نہیں ہے۔