قوم سے خطاب کا ردِ عمل، شہباز شریف نے وزیر اعظم کو لالچی قرار دے دیا

اسلام آباد: اپوزیشن لیڈر قومی اسمبلی شہباز شریف نے وزیر اعظم عمران خان کے قوم سے خطاب پر ردِ عمل دیتے ہوئے عمران خان کو لالچی قرار دے دیا۔ ن لیگ کے صدر نے کہا کہ نیازی کا جھوٹ لامحدود ہے۔

سماجی رابطے کی ویب سائٹ ٹوئٹر پر اپنے پیغام میں ن لیگ کے صدر شہباز شریف نے کہا کہ نیازی کے جھوٹ اور من گھڑت پراپیگنڈے کے علاوہ اقتدار کیلئے لالچ کی بھی کوئی حد نہیں۔

یہ بھی پڑھیں:

وزیر اعظم کہیں نہیں جارہے۔پارلیمانی پارٹی اجلاس کی اندرونی کہانی سامنے آگئی

ٹوئٹر پیغام میں اپوزیشن کی جانب سے وزارتِ عظمیٰ کے امیدوار و قائدِ حزبِ اختلاف قومی اسمبلی شہباز شریف نے کہا کہ قوم عمران خان کی پارلیمان، آئین اور عدالت کیلئے جذبۂ احترام سے واقف ہے۔

There is no limit to Niazi's lies, fabrications & lust for power. The nation knows his “respect” for parliament, constitution & court. Today’s speech is an insult to the sacrifices of our soldiers & praise for Modi's foreign policy is the biggest betrayal of Kashmiris' struggle!

— Shehbaz Sharif (@CMShehbaz) April 8, 2022

صدر ن لیگ شہباز شریف نے کہا کہ آج عمران خان کی تقریر ہمارے سپاہیوں کی قربانیوں کی ہتک اور بھارتی وزیر اعظم کی خارجہ پالیسی کی تعریف تھی جو جدوجہدِ کشمیر سے دغابازی ہے۔ 

وزیر اعظم کا قوم سے خطاب

قوم سے خطاب کرتے ہوئے وزیر اعظم عمران خان نے کہا کہ میں امپورٹ کی ہوئی حکومت قبول نہیں کروں گا۔ فوج جمہوریت کا دفاع نہیں کرسکتی۔ قوم کو خود کھڑے ہونا ہوگا۔

اتوار کے روز عشاء کے بعد پر امن احتجاج کی کال دیتے ہوئے وزیر اعظم نے کہا کہ مجھے سپریم کورٹ کے فیصلے پر مایوسی ہوئی۔ ججز کو دھمکی آمیز خط دیکھنا چاہئے تھا۔