گوگل نیوز پر ہمیں فالو کریںرہنما پاکستان تحریک انصاف (پی ٹی آئی) شہباز گل کا جیل سے رہائی کے بعد پہلا ویڈیو بیان سامنے آگیا ہے۔
اپنے بیان میں شہباز گل نے کہا کہ دوران حراست مجھے بد ترین ریاستی جبر و تشدد کا نشانہ بنایا گیا، بیماری کا مذاق اڑانے والوں کو اللہ ہدایت دے اور اگر کسی جماعت کے کارکن کے ساتھ ایسا ہوا تو اس تشدد کے خلاف خود باہر نکلوں گا۔
Dr @SHABAZGIL thanks the people of Pakistan for standing with him when some people kept spreading propaganda against him. pic.twitter.com/oASwKG0zCn
— PTI (@PTIofficial) September 23, 2022
شہباز گل نے کہا کہ ریاستی جبر کے خلاف ہمیشہ آواز اٹھائی ہے اور آئندہ بھی اٹھاتا رہوں گا جبکہ دوبارہ اپنے روایتی انداز میں مخالفین کو جواب دوں گا۔
پی ٹی آئی رہنما کا مزید کہنا تھا کہ گاؤں سے تعلق رکھتا ہوں، ہم پیدائشی طور پر محب وطن ہیں، امریکا میں پر آسائش زندگی پاکستان کی محبت کے لئے چھوڑی ہے۔
انہوں نے کہا کہ اپنے لیڈر کے ساتھ کھڑا تھا اور اب بھی کھڑا رہوں گا جب کہ عوام عمران خان کی ایک کال پر باہر نکلیں گے۔
