شاہ محمود قریشی کی چینی وزیر خارجہ سے ملاقات، دوطرفہ تعلقات پر گفتگو

بیجنگ: وزیر خارجہ شاہ محمود قریشی نے چین کے سرکاری دورے کے موقعے پر اپنے چینی ہم منصب وانگ ژی سے ملاقات کی ہے جس کے دوران پاک چین دو طرفہ تعلقات پر گفتگو ہوئی۔

سماجی رابطے کی ویب سائٹ ٹوئٹر پر اپنے پیغام میں وزیر خارجہ شاہ محمود قریشی نے کہا کہ افغانستان کے ہمسایہ ممالک کے وزرائے خارجہ اجلاس میں موجودگی خوش آئند ہے۔

یہ بھی پڑھیں:

وزارتِ اعلیٰ کا پکا وعدہ، چوہدری پرویز الٰہی وزیر اعظم کے حق میں سرگرم

ٹوئٹر پیغام میں وزیر خارجہ نے چینی ہم منصب وانگ ژی سے ملاقات کی تصاویر شیئر کرتے ہوئے چینی اسٹیٹ قونصلر اور ہم منصب وانگ ژی کی میزبانی کی تعریف کی۔ 

Good to be in #China for the third meeting of Foreign Ministers of Neighbouring Countries of Afghanistan. Appreciate my brother State Councilor & FM #WangYi hosting this. A continued regional approach on #Afghanistan is important for promoting durable peace and stability. pic.twitter.com/1TjDp9CgMw

— Shah Mahmood Qureshi (@SMQureshiPTI) March 30, 2022

پیغام میں وزیر خارجہ مخدوم شاہ محمود قریشی نے کہا کہ افغانستان میں پائیدار امن و استحکام کو فروغ دینے کیلئے خطے کے قائدین کی مسلسل کاوشیں اہمیت کی حامل ہیں۔

وزیر خارجہ شاہ محمود قریشی نے چین میں اپنے ہم منصب وانگ ژی سے ملاقات کے دوران پاک چین تعلقات، دو طرفہ تعاون اور دیگر باہمی دلچسپی کے امور پر تبادلۂ خیال کیا۔

واضح رہے کہ پاک چین دوستی کو عالمی برادری میں قدر کی نگاہ سے دیکھا جاتا ہے۔ دونوں ممالک پاک چین اقتصادی راہداری منصوبے (سی پیک) پر اقدامات اٹھا رہے ہیں۔