بابراعظم کیلئے اپنی جان بھی قربان کر دیں گے، شاداب خان

کراچی:پاکستان کرکٹ ٹیم کے نائب کپتان شاداب خان نے کپتان بابر اعظم کی تعریف کرتے ہوئے کہا ہے کہ کھلاڑی بابراعظم کے لیے اپنی جان بھی قربان کر دیں گے۔

ویسٹ انڈیز کیخلاف سیریزکیلئے کراچی پہنچنے کے بعد میڈیا سے گفتگو کے دوران آل راؤنڈر نے بابر اعظم کو ٹیم کو مسلسل شاندار کارکردگی کا سہرا قرار دیتے ہوئے کہا کہ بابراعظم کی وجہ سے قومی ٹیم میں ایک نئی جان آئی ہے، بابر اعظم بطور کپتان وہ جو فیصلے لے رہے ہیں وہ اس حقیقت کی طرف اشارہ کرتے ہیں کہ وہ ایک متاثر کن لیڈر ہیں۔

مزید پڑھیں:بابر اعظم کی کرکٹ میچ میں بالنگ، ویرات کوہلی پھر پیچھے رہ گئے

شاداب خان کا کہنا ہے کہ جب بھی کوئی مسئلہ درپیش ہوتو کپتان اپنے ساتھیوں کی حمایت کے لیے ہمیشہ موجود ہوتے ہیں۔انہوں نے کہا کہ بابراعظم کے رویے کی وجہ سے ٹیم ون یونٹ میں ڈھل گئی اور ہر کھلاڑی پرفارم کرنے میں کامیاب رہا۔

پاکستان کرکٹ ٹیم کے سابق بیٹنگ اور باؤلنگ کنسلٹنٹ میتھیو ہیڈن اور ورنن فلینڈر کے بارے میں بات کرتے ہوئے شاداب خان کاکہنا تھا کہ میتھیو ہیڈن کرکٹ کا ایک بڑا نام ہےگوکہ انہوں نے محدود وقت ہمارے ساتھ گزارالیکن ہمیں ذہنی طور پرمضبوط بنادیاہے۔