گوگل نیوز پر ہمیں فالو کریںملک کے مشہورومعروف سینئر فنکار طارق جمیل پراچہ انتقال کر گئے ہیں جس سے اداکاری کی دنیا میں بڑا خلا پیدا ہوگیا۔
تفصیلات کے مطابق پی ٹی وی کے سیٹ ڈیزائنر کے طور پر اپنے کام کا آغاز کرنے والے طارق جمیل پراچہ نے اپنے پورے کیرئیر کے دوران بہترین اداکاری کے ساتھ ساتھ کامیاب پروڈکشن بھی کی۔
پنک ولا اسٹائل آئکن 2 کی رنگا رنگ تقریب، بالی ووڈ ستاروں میں ایوارڈز تقسیم
ڈرامہ سیریل آنچ جسے تاحال پی ٹی وی کے ناظرین بھول نہیں سکے، طارق جمیل پراچہ نے ڈائریکٹ کیا۔ 1993ء میں منظرِ عام پر آنے والے ڈرامے کو معروف ڈرامہ نگار ناہید سلطانہ اختر نے تحریر کیا تھا۔
اداکاری کے شعبے میں آتے ہی طارق جمیل پراچہ کو بے حد سراہا گیا۔ محبت چھوڑ دی میں نے، اڑان، پیار نام کا دیا، سار پردوں میں اور دلِ مومن طارق جمل پراچہ کے اہم ڈرامے سمجھے جاتے ہیں۔
بطور اداکار طارق جمیل پراچہ نے بے مثال شہرت اپنے نام کی۔ سینئر فنکار کے انتقال کی خبر دیگر اداکاروں کے سوشل میڈیا اکاؤنٹس کے ذریعے شیئر کی گئی۔ مداح طارق جمیل پراچہ کیلئے مغفرت کی دعا کر رہے ہیں۔
