فیصل آباد میں خواتین کو برہنہ کرکے تشدد، سینیٹر شیری رحمان میڈیا پر برہم

اسلام آباد: پاکستان پیپلز پارٹی کی مرکزی رہنما و سینیٹر شیری رحمان نے خواتین پر برہنہ کرکے وحشیانہ تشدد کے معاملے پر میڈیا کے رویے پر برہمی کا اظہار کیا ہے۔

سماجی رابطے کی ویب سائٹ ٹوئٹر پر اپنے پیغام میں سینیٹر شیری رحمان نے کہا کہ ایک بار پھر ہم میں سے بہت سے ذہنوں اور دماغوں کیلئے شرم کا مقام ہے کہ خواتین کو فیصل آباد میں برہنہ کرکے مارا پیٹا جاتا ہے اور کوئی مدد کیلئے آگے نہیں آتا۔

یہ بھی پڑھیں:

پنجاب میں 4 خواتین پر سربازار برہنہ کرکے تشدد، شرمناک ویڈیوز وائرل

پولیس، عدلیہ پر کرپشن کا تاثر چیف جسٹس کیلئے لمحۂ فکریہ ہے۔فواد چوہدری

ٹوئٹر پیغام میں سینیٹر شیری رحمان نے کہا کہ اس سے کوئی فرق نہیں پڑتا کہ وہ چھوٹے موٹے جرائم کیا تھے جس میں متاثرہ خواتین ملوث رہیں، اس کے متعلق میدیا کے رویے اور بعض اینکرز کے اندازِ بیان پر افسوس ہوا۔

Shame is the colour defining many of our minds, hearts again. Women are stripped naked, beaten, no one helps in #Faisalabad. It doesn’t matter what petty crimes they were involved in. Sorry to see some anchors creating a false equivalence even between thievery and public shaming.

— SenatorSherryRehman (@sherryrehman) December 8, 2021

سینیٹر شیری رحمان نے کہا کہ افسوس اس بات کا ہے کہ کچھ اینکرز نے چوری اور عوام کے سامنے برہنہ کرکے تشدد کے مابین غلط مساوات پیدا کرنے کی کوشش کی۔ فیصل آباد میں خواتین کے ساتھ ہونے والا تشدد افسوسناک بات ہے۔ 

خیال رہے کہ اس سے قبل کاغذ چن کر گزر بسر کرنے والی 4خواتین کو دکانداروں نے چوری کا الزام لگا کر پکڑلیا، سربازار برہنہ کرکے تشددکی ویڈیو وائرل ہوگئی،پولیس نے 5ملزمان کو گرفتار کر لیا۔

فیصل آباد میں تھانہ ملت ٹاؤن کے علاقہ میں گزشتہ روز مبینہ طور پر 4خواتین چوری کرتے ہوئے پکڑی گئیں جس پر دکانداروں نے خواتین کو پکڑ کر تشدد کیا اور دکان میں بند کر دیا جبکہ سربازار برہنہ کرکے تشدد کرنے کی ویڈیو بھی بنائی۔