گوگل نیوز پر ہمیں فالو کریںکراچی: سیہون شریف کے نزدیک دو مسافر بسوں میں خوفناک تصادم ہوگیا، جس کے باعث 4 افراد جاں بحق اور 25 سے زائد زخمی ہو گئے۔
حادثے کے نتیجے میں جاں بحق افراد کی تاحال شناخت نہیں ہوسکی جبکہ زخمیوں میں نظیر، ظفر، افتخار، امداد، عرفان، خیرجان، مسمات نوشاد شیخ، عالیہ، حاجراں، بشیر، گلناز، شفیق، عبداللہ سمیت دیگر شامل ہیں،حادثہ سیہون شریف کے قریب انڈس ہائی وے روڈ پر آمری کے مقام پر پیش آیا۔
حادثے کی اطلاع پر مقامی رہائشیوں نے پولیس اور ریسکیو عملے کی مدد سے زخمیوں کو ہسپتال منتقل کروایا۔ حادثے کا شکار کوچز مکمل طور پر تباہ ہو گئیں۔
ڈپٹی کمشنر جامشورو فریدالدین مصطفی کا اس حوالے سے کہنا ہے کہ ایک مسافر کوچ کراچی سے لاڑکانہ جارہی تھی، دوسری کوچ لاڑکانہ سے کراچی جارہی تھی کہ تیز رفتاری کے باعث آمنے سامنے تصادم ہو گیا۔
مزید پڑھیں:میراں شاہ، خود کش دھماکے میں 3 معصوم بچے اور 3 اہلکار شہید
