گوگل نیوز پر ہمیں فالو کریںاسلام آباد: وزارتِ خارجہ نے اقوامِ متحدہ کے سیکریٹری جنرل انتونیو گوتریس کی سکیورٹی داؤ پر لگانے پر ایس ایس یو (اسپیشل سکیورٹی یونٹ) پر برہمی کا اظہار کیا ہے۔ چیف سیکریٹری سندھ کو مراسلہ ارسال کردیا گیا۔
تفصیلات کے مطابق اقوامِ متحدہ کے سیکریٹری جنرل انتونیو گوتریس نے حال ہی میں پاکستان کا دورہ کیا اور وزیر اعظم شہباز شریف، وزیر اعلیٰ سندھ اور دیگر حکام سے ملاقاتیں کیں۔ اس دوران ان کی سکیورٹی داؤ پر لگائے جانے کا انکشاف سامنے آگیا۔
ملزمان کی گھر میں ڈکیتی، فائرنگ سے نوجوان جاں بحق
وزارتِ خارجہ کا چیف سیکریٹری سندھ کو تحریر کیے گئے مراسلے میں کہنا ہے کہ سندھ پولیس کے سکیورٹی یونٹ نے اقوامِ متحدہ کے سیکریٹری جنرل کے دورے کو خودنمائی اور تشہیر کا ذریعہ بنا لیا۔ ایس ایس یو کے افسران زبردستی ان کے کمرے میں گھس گئے تھے۔
ایس ایس یو پر برہمی کا اظہار کرتے ہوئے وزارتِ خارجہ کا مراسلے میں مزید کہنا ہے کہ اسپیشل سکیورٹی یونٹ کے افسران نے اقوامِ متحدہ کے جنرل سیکریٹری انتونیو گوتریس کو تحائف دیتے ہوئے اپنی تصاویر کھنچوائیں جس سے سیکریٹری جنرل کی سکیورٹی اور پروٹوکول کی خلاف ورزیاں ہوئیں۔
واضح رہے کہ اقوامِ متحدہ کے سیکریٹری جنرل نے عالمی برادری سے پاکستان کے سیلاب زدگان کیلئے امداد کی اپیل کی تھی۔ مراسلے میں کہا گیا ہے کہ اسپیشل برانچ کے اہلکاروں نے مہمانوں کی سکیورٹی کیلئے کمروں کے قریب ڈیوٹی تک نہیں دی۔
