گوگل نیوز پر ہمیں فالو کریںآواران میں سکیورٹی فورسز نے آپریشن کے دوران 2 دہشت گردوں کو ہلاک جبکہ 2 کو زخمی کردیا۔ فائرنگ کے تبادلے کے دوران 2 جوان شہید ہوگئے ہیں۔
تفصیلات کے مطابق بلوچستان کے ضلع آواران میں سکیورٹی فورسز نے دہشت گردوں کے خلاف کارروائی کی۔ فائرنگ کے تبادلے میں 2 دہشت گرد ہلاک ہو گئے۔ دہشت گردوں کے ٹھکانوں کو مؤثر انداز میں نشانہ بنایا گیا۔
خیبر میں سکیورٹی فورسز کے آپریشن میں 1 دہشت گرد ہلاک، 2 زخمی گرفتار
پاک فوج کے شعبۂ تعلقاتِ عامہ (آئی ایس پی آر) کا کہنا ہے کہ آواران میں سکیورٹی فورسز نے کھوڑو کے علاقے میں کارروائی کی۔ شہید اہلکاروں میں نائب صوبیدار آصف عرفان اور سپاہی عرفان علی شامل ہیں جو دہشت گردوں کے خلاف بہادری سے لڑے۔
ظفر وال سیکٹر، بھارتی فوج کی بلا اشتعال فائرنگ
آئی ایس پی آر کا کہنا ہے کہ دونوں اہلکاروں نے سکیورٹی فورسز کی کارروائی کے دوران بہادری سے جامِ شہادت نوش کر لیا۔ علاقے میں مزید دہشت گردوں کو ختم کرنے کیلئے کلیرنس آپریشن جاری ہے۔
ترجمان پاک فوج کا کہنا ہے کہ ہم ملک سے دہشت گردی کی لعنت ختم کرنے کیلئے پر عزم ہیں۔ سکیورٹی فورسز کے بہادر سپاہیوں کی شہادتیں اور قربانیاں دہشت گردوں کے خلاف ہمارے عزم کو مزید مضبوط کرتی ہیں۔
