گوگل نیوز پر ہمیں فالو کریںراولپنڈی کے بھوسہ گودام کے قریب سے ایک خاتون اسکول ٹیچر کی لاش ملی ہے جبکہ اس کے آن لائن کیب کے ڈرائیور حسنین لاپتہ ہیں۔ مقتولہ کا نام انعم بشیر بتایا گیا، جو افشاں کالونی کی رہائشی تھیں اور اسلام آباد میں نجی اسکول میں پڑھاتی تھیں۔
پولیس کے ابتدائی شواہد کے مطابق، انعم نے صبح اپنے اسکول جانے کے لیے آن لائن کیب بک کروائی لیکن شدید بارش کے دوران لن 4، رینج روڈ پر طوفانی پانی نے گاڑی بہا لی۔ لاش بعد میں بھوسہ گودام کے قريب سے سیلابی نالے سے نکالی گئی، جبکہ گاڑی ویسٹ ریج کی ایک تنگ گلی میں پھنسے حالت میں پائی گئی۔
پولیس نے گاڑی کے رجسٹرڈ مالک سے تصدیق کروائی کہ مذکورہ ڈرائیور حسنین واقعی ڈرائیور تھا مگر وہ ابھی تک لاپتہ ہے۔ انعم کے ورثاء نے نہ قانونی چارہ جوئی کا مطالبہ کیا اور نہ ہی پوسٹ مارٹم کروایا۔
پولیس تفتیش کر رہی ہے اور ڈرائیور کی تلاش میں ہر ممکن کوششیں جاری ہیں جبکہ مستند حکام واقعے کی مکمل حقیقت جاننے کے لیے آپریشن تیز کر رہے ہیں۔
