گوگل نیوز پر ہمیں فالو کریںلاہور: سپریم کورٹ میں قومی کرکٹ ٹیم کے مڈل آرڈر بیٹسمین عمر اکمل کی تین سالہ معطلی کے خلاف اپیل کی سماعت 11 جون کو ہوگی۔
پاکستان کرکٹ بورڈ کے مطابق سپریم کورٹ کے سابق جج جسٹس (ر) فقیر محمد کھوکھر عمر اکمل کی اپیل کی سماعت کریں گے،پی سی بی کو پہلے ہی سماعت کے لئے نوٹسز جاری کردیئے گئے ہیں۔
پی سی بی اینٹی کرپشن کوڈ کی خلاف ورزی کے الزامات پرکرکٹر پر تین سال کی پابندی عائد کی گئی ہے ،عمر اکمل کی معطلی کی تاریخ 20 فروری 2020 سے نافذ العمل ہوچکی ہے۔
پی سی بی کے بیان میں مزید کہا گیا کہ جب تک جسٹس (ر)فقیر محمد کھوکھر اپنے فیصلے کا اعلان نہیں کر تے اس معاملے پر کوئی تبصرہ نہیں کریں گے۔
عمر اکمل کاکیریئر قومی کرکٹ ٹیم میں شامل ہونے کے بعد سے ہمیشہ تنازعات میں رہا ہے۔
مزید پڑھیں: پاکستان کرکٹ کا بیڈ بوائے عمر اکمل پی ایس ایل سے آؤٹ
