گوگل نیوز پر ہمیں فالو کریںاسلام آباد: سپریم کورٹ نے نیب ترامیم کے خلاف چیئرمین پاکستان تحریک انصاف عمران خان کی درخواست سماعت کیلئے مقرر کردی۔
سپریم کورٹ کا تین رکنی بنچ 10 جنوری کو سماعت کرے گا، چیف جسٹس پاکستان جسٹس عمر عطا بندیال بنچ کی سربراہی کریں گے سپریم کورٹ بنچ میں جسٹس اعجاز الاحسن اور جسٹس منصور علی شاہ شامل ہیں۔
PTI کے چئیرمین عمران خان کیجانب سے نیب ترامیم کو سپریم کورٹ آف پاکستان میں چیلینج کرتے ہوئے دستور کے آرٹیکل 184(3) کے تحت باضابطہ درخواست دائر کردی گئی ہے ۔ #RegimeChangeInPakistan pic.twitter.com/19U1bK0K6A
— PTI (@PTIofficial) June 25, 2022
وفاقی حکومت کے وکیل مخدوم علی خان دلائل کا آغاز کریں گے، سپریم کورٹ رجسٹرار آفس نے نیب ترامیم کیس کے تمام فریقین کو نوٹسز جاری کردیئے۔
کراچی میں ڈکیتی مزاحمت پر ملزمان کی فائرنگ سے خاتون جاں بحق
یاد رہے کہ نیب ترامیم کیس میں چیئرمین پاکستان تحریک انصاف عمران خان کے وکیل خواجہ حارث دلائل مکمل کرچکے ہیں۔
دوسری جانب پی ٹی آئی رہنما شہبازگِل کی جانب سے افواجِ پاکستان کے خلاف بغاوت پر اکسانے کے کیس کی سماعت آج ہوگی ،ایڈیشنل سیشن جج طاہرعباس سِپرا 11 بجےکیس کی سماعت کریں گے۔
ڈسٹرکٹ اینڈ سیشن کورٹس اسلام آباد میں آج ہونے والی سماعت میں عدالت نے شہبازگِل کو آج حاضری یقینی بنانے کا حکم دے رکھا ہے،ایڈیشنل سیشن جج طاہرعباس سِپرا 11 بجے کیس کی سماعت کریں گے۔
