گوگل نیوز پر ہمیں فالو کریںراولپنڈی: سپہ سالار جنرل قمر جاید باجوہ سے سعودی چیف آف جنرل اسٹاف فیاض بن حامد نے اہم ملاقات کی ہے۔
آئی ایس پی آر کے جاری کردہ بیان میں کہا گیا ہے کہ آرمی چیف جنرل قمرجاویدباجوہ سے سعودی چیف آف جنرل اسٹاف سے راولپنڈی کے جنرل ہیڈ کوارٹر میں ملاقات کی۔
دونوں کے درمیان ہونے والی ملاقات کے دوران خطے اور افغانستان کی سکیورٹی صورتحال پرتبادلہ خیال کیا گیا۔
پاک فوج کے شعبہ تعلقات عامہ کے مطابق جنرل فیاض بن حامد نے دہشت گردی کے خلاف جنگ میں پاک فوج کی کامیابیوں کوسراہا۔ جنرل فیاض بن حامد نے سعودی فوج کی تربیت میں تعاون پر پاک فوج کا شکریہ اداکیا۔
سعودی جنرل نے یادگارشہدا پر پھول چڑھائے، پاک فوج کے چاق و چوبند دستے نے سعودی مہمان کو گارڈ آف آنر پیش کیا، سعودی چیف آف جنرل سٹاف نے خطے میں امن کیلئے پاکستان کی کوششوں کو سراہا۔
مزید پڑھیں: افغان گروہ یقینی بنائیں افغان سرزمین کسی ملک کے خلاف استعمال نہ ہو، قومی سلامتی کمیٹی
