سعودی عرب میں کرفیو میں نرمی، مکہ مکرمہ میں پابندی برقرار

ریاض : سعودی عرب کے شاہ سلمان بن عبد العزیز نے مکہ مکرمہ کے علاوہ مملکت کے تمام خطوں میں جزوی طور پر کرفیو اٹھانے کا حکم جاری کردیاہے۔

حکم نامے کے مطابق صبح 9 بجے سے شام 5 بجے تک عوامی سرگرمیاں رکھی جاسکتی ہیں، تاہم مکہ مکرمہ میں 24 گھنٹے کا کرفیو جاری رہے گا۔

اس آرڈر میں 6 سے 20 رمضان المبارک تک 29 اپریل سے 13 مئی تک کچھ معاشی اور تجارتی سرگرمیاں کھولنے کی بھی اجازت دی گئی ہے ، جس میں مالز کے علاوہ تھوک اور خوردہ دکانیں بھی شامل ہیں۔

اس آرڈر کے تحت تعمیراتی کمپنیوں اور کارخانوں کو بھی وقت پر پابندی کے بغیر اپنی سرگرمیوں پر عمل کرنے کی اجازت دی گئی ہے۔

حکم نامے میں لوگوں کو معاشرتی فاصلاتی اقدامات پر عمل کرنے کی ہدایت بھی کی گئی ہے جس میں پانچ سے زائد افراد کے لئے اجتماعات کی روک تھام ، جیسے شادی کے واقعات ، جنازے کے علاوہ عوامی مقامات پر اجتماعات پر پابندی ہوگی۔

حکم نامے میں متنبہ کیا گیا ہےکہ اس سلسلے میں ہدایات کی خلاف ورزی کرنے کی صورت میں جرمانے اور قیدکی سزائیں  دی جائیں گی۔

مزید پڑھیں: وزیرِ اعظم کی ہدایت پر پاکستانیوں کو وطن واپس لانے کیلئے پروازوں میں اضافہ

سعودی عرب نے دو مقدس شہروں  مکہ مکرمہ اور مدینہ منورہ میں نافذ کرفیو کو بڑھا دیا ہے۔