گوگل نیوز پر ہمیں فالو کریںسعودی عرب نے سخت انتباہ جاری کرتے ہوئے اسرائیل کے لیے فلسطینی ریاست کو تسلیم کرنا ضروری قرار دیا ہے۔
بیلجیم کے دار الحکومت برسلز میں میڈیا سے بات کرتے ہوئے سعودی وزیر خارجہ فیصل بن فرحان نے کہا کہ یہ اسرائیل کے اپنے مفاد میں ہے کہ وہ فلسطین کو تسلیم کرے کیونکہ وہ فلسطینی ریاست کے وجود کے بغیر قائم نہیں رہ سکتا۔
سعودی وزیر خارجہ نے تشویش کا اظہار کیا کہ اسرائیل موجودہ حالات میں اس بات کو سمجھنے سے گریزاں ہے۔ علاوہ ازیں سعودی وزیر خارجہ فیصل بن فرحان نے ایک سوال کے جواب میں کہا کہ اس مسئلے کا دو ریاستی حل فلسطین اور اسرائیل دونوں کے مفاد میں ہے۔
سعودی وزیر خارجہ نے دونوں فریقین پر مذاکرات پر زور دیتے ہوئے واضح کیا کہ مغویوں کی رہائی ہونی چاہیے، اس حوالے سے فوری مذاکرات ہونے چاہئیں کیونکہ غزہ کے لوگ زیادہ انتطار نہیں کرسکتے۔
