گوگل نیوز پر ہمیں فالو کریںسعودی عرب نے الیکٹرک ہیلی کاپٹر سروس شروع کرنے کے لئے اپنے عزم کا اظہار کیا ہے، فضائی کمپنی فلائی ناس اور ایو ایئر موبیلٹی نے الیکٹرک طیارے چلانے کے مواقع کے حوالے سے مفاہمتی یادداشت پر دستخط کردیئے ہیں۔
رپورٹس کے مطابق فریقین کے درمیان 2026 تک ریاض اور جدہ میں الیکٹرک ہیلی کاپٹر سروس شروع کرنے کے امکان کا جائزہ لیا جائے گا۔
فلائی ناس کے سی ای او بندر المھنا کے مطابق ’ایو ایئر موبیلٹی الیکٹرک ہیلی کاپٹروں کی لینڈنگ اور پرواز کے حوالے سے خاص مہارت رکھتی ہے‘۔
’فلائی ناس کے ساتھ شراکت ہمارے مشترکہ تصور پر عمل درآمد کے لیے اہم موڑ ثابت ہوگی‘۔ایو ایئر موبیلٹی کے سی ای او کے مطابق اس معاہدے سے سعودی عرب میں فضائی صنعت کو فروغ ملے گا۔
واضح رہے کہ نئی یادداشت کی بنیاد پر دونوں کمپنیوں کے درمیان تعاون کی نئی راہیں ہموار ہوجائیں گی۔ فلائی ناس 70 سے زیادہ ملکی و بین الاقوامی ہوائی اڈوں کے لیے ہفتے میں 1500 سے زیادہ پروازیں آپریٹ کررہی ہے۔
