گوگل نیوز پر ہمیں فالو کریںسعودی عرب کے ولی عہد شہزادہ محمد بن سلمان نے عالمی آبی تنظیم کے قیام کا اعلان کیا ہے۔
نوتشکیل شدہ تنظیم کا صدر دفترالریاض میں ہوگا اور پائیدار آبی وسائل کے حصول کے لیے عالمی کوششوں کو مستحکم اور بڑھانے میں اہم کردار ادا کرے گا۔
سعودی پریس ایجنسی کے مطابق تنظیم کے مقاصد میں علم اور مہارت کا تبادلہ، آبی ٹیکنالوجی کی ترقی، جدّت طرازی کی ترغیب اور تحقیق اور تجربات کا اشتراک شامل ہے۔
یہ بھی پڑھیں:
آئن اسٹائن سے زیادہ ذہین بچی کی شریف برادران سے ملاقات
مزید برآں، تنظیم سب کے لیے پانی تک رسائی کو یقینی بناتے ہوئے آبی وسائل کی طویل مدت پائیداری کو یقینی بنائے گی۔یہ اعلیٰ ترجیحی منصوبوں کے آغاز اور مالی اعانت کے لیے فعال طور پر وکالت کرے گی۔
ایس پی اے نے کہا کہ یہ اقدام عالمی سطح پر پانی کی دستیابی سے وابستہ چیلنجوں سے نمٹنے کے لیے سعودی عرب کے عزم کی عکاسی کرتا ہے۔اس کے علاوہ یہ اقدام ماحولیاتی استحکام کے لیے سعودی عرب کی وسیع تر وابستگی سے بھی مطابقت رکھتا ہے۔
ایس پی اے نے کہا کہ سعودی عرب تنظیم کے تمام رکن ممالک کے تعاون سے آبی تحفظ سے متعلق پائیدار ترقیاتی اہداف کے حصول میں کردار ادا کرنے کا خواہاں ہے۔
