گوگل نیوز پر ہمیں فالو کریںبالی ووڈ فلم انڈسٹری کی معروف اداکارہ سارہ علی خان نے گلابی لباس کے ساتھ پنیت ملہوترا کے ہمراہ نئی فلم کی شوٹنگ شروع کردی ہے۔
تفصیلات کے مطابق نئی فلم کے ہدایتکار پنیت ملہوترا کے ہمراہ گلابی لباس میں سارہ علی خان نے ایک تصویر بھی کھنچوائی اور مداحوں کے ساتھ انسٹا گرام اسٹوری پر شیئر کرکے نئی فلم کے متعلق اشارہ دیا۔
اتوار کے روز معروف اداکارہ کی پھوپھی صبا علی خان پٹودی نے انسٹا گرام پر سارہ علی خان کے ماضی کی ایک تصویر شیئر کرتے ہوئے بتایا کہ بچپن میں تصویر کھینچنے سے قبل میں نے سارہ کو مسکرانے کا کہا لیکن اس نے ایسا نہیں کیا۔
View this post on Instagram
صبا علی خان نے کہا کہ سارہ نے کیمرے کے سامنے شرارتی انداز میں تصویر کھنچوانا بہتر محسوس کیا اور اسی انداز میں تصویر کھنچوائی۔ سارہ علی خان کی بچپن کی تصویر کو مداحوں نے بے حد سراہا اور تعریفی کلمات سے بھی نوازا۔
اداکاری کے میدان میں سارہ علی خان نے رواں ہفتے ہدایتکار آنند ایل رائے اور اداکار دھنش اور اکشے کمار کے ہمراہ پہلی بار فلم اترنگی رے میں کام مکمل کیا۔ قبل ازیں سارہ علی خان آخری بار فلم کولی نمبر 1 کے ری میک میں نظر آئی تھیں۔
یاد رہے کہ اِس سے قبل بالی ووڈ اداکارہ سارہ علی خان نے کہا کہ میں شادی کے بعد اپنی ماں امرتا سنگھ کے ساتھ ہی رہوں گی اور شادی اسی سے کروں گی جوگھر داماد بننا پسند کرے گا۔
چھوٹے نواب سیف علی خان اور ماضی کی نامور اداکارہ امرتا سنگھ کی بیٹی سارہ علی خان نے رواں برس فرروی کے دوران اپنی والدہ کی 63ویں سالگرہ کے موقع پر انہیں مبارکباد دینے کیلئے سماجی رابطے کی ویب سائٹ انسٹاگرام پر مختلف تصاویر شیئر کیں۔
مزید پڑھیں: شادی اسی سے کروں گی جو گھر داماد بنے، سارہ علی خان
