سنجے دت اور رنبیر کپور کی نئی فلم شمشیرا ریلیز، کہانی سامنے آگئی

نئی دہلی: بھارتی اداکار سنجے دت اور رنبیر کپور کی نئی فلم شمشیرا آج ریلیز کردی گئی جس کی کہانی بھی فلم بینوں کے سامنے آگئی۔

تفصیلات کے مطابق اداکار رنبیر کپور نے 4سال بعد فلمی اسکرین پر واپس آتے ہوئے سنجے دت کے ہمراہ اداکاری کے جوہر دکھائے۔ شمشیرا آج 22 جولائی کو ریلیز ہو رہی ہے جس کے مقابلے میں کوئی دوسری فلم نہیں۔

یہ بھی پڑھیں:

اشنا شاہ نے منگنی کی خبروں کی تردید کردی

قبل ازیں بھارتی سینما کی اہم فلمز گنگو بائی کاٹھیاواڑی، دی کشمیر فائلز اور بھول بھلیاں 2 جیسی فلمز نے ثابت کیا کہ اچھا مواد یا تنازعہ عوام کی توجہ حاصل کرنے کیلئے محرک ثابت ہوتا ہے۔

شمشیرا نے باکس آفس پر آہستہ آہستہ اپنے بزنس کا آغاز کیا جس کی پیشگی بکنگ میں بتدریج اضافہ ہورہا ہے۔ عموماً یہ کسی بھی فلم کے اچھا بزنس کرنے کیلئے اچھی علامت سمجھی جاتی ہے۔

فلمی کہانی کا پلاٹ بڑے پیمانے پر مرکوز نظر آتا ہے جو ملک کے اندرونی مسائل کو سامنے لاتی ہے۔ تاحال فلم کا بزنس 13 سے 15 کروڑ تک کا نظر آتا ہے جو شمشیرا کو سال کی سب سے بڑی اوپنر فلم بنا سکتا ہے۔

شمشیرا میں سنجے دت داروغا شدھ سنگھ کے کردار میں نظر آئیں گے جبکہ 2012 میں سنجے دت نے کرن ملہوترا کے ساتھ اگنی پتھ نامی فلم کی تھی جس کے بعد کرن کے ساتھ ان کی یہ پہلی فلم ہے۔

اگنی پتھ میں سنجے دت نے ولن کا کردار نبھایا تھا جس پر مداحوں نے انہیں خوب سراہا۔ اپنے ایک انٹرویو میں سنجے دت کا کہنا تھا کہ شمشیرہ عوام کیلئے بنائی گئی شاندار فلم ہے۔

اپنی فلم شمشیرا کے متعلق گفتگو کرتے ہوئے سنجے دت کا مزید کہنا تھا کہ فلم میں کچھ اس طرح کا کام نظر آئے گا جو میں نے ساری زندگی کیا لیکن بالی ووڈ نے اسے کہیں نہ کہیں بھلا دیا۔