گوگل نیوز پر ہمیں فالو کریںاداکارہ ثمینہ پیرزادہ کا کہنا ہے کہ اگرعمران خان اقتدارمیں واپس آجائیں تو پاکستان کو تمام مشکلات سے نجات مل سکتی ہے۔
اداکارہ نے سابق وزیراعظم عمران خان کی ایمانداری پرپورا بھروسہ رکھتے ہوئے سماجی رابطے کی ویب سائٹ ٹوئٹر پراپنے پیغامات میں کہا کہ اگر آج عمران خان واپس آجائیں تو مجھے یقین ہے پورے پاکستان اور پوری دنیا سے پاکستانی اتنا روپیہ جمع کریں گے کہ پاکستان کو ہرمشکل سے نکال سکیں۔ اتنا بھروسہ ہے ہمیں کپتان کی ایمانداری پر۔
اگر آج عمران خان واپس آجاتا ہے تو مجھے یقین ہے پورے پاکستان سے اور پوری دنیا سے پاکستانی اتنا روپیہ جمع کریں گے کہ پاکستان کو ہر مشکل سے نکال سکیں۔ اتنا بھروسے ہے ہمیں کپتان کی ایمانداری پر۔
— Samina Peerzada (@SaminaSays) June 13, 2022
حکومت کو تنقید کا نشانہ بناتے ہوئے ثمینہ پیرزادہ نے کہا کہ اس بھیک کے کٹورے کو توڑ دو اور عمران خان کو واپس لاؤ پھر دیکھو کہ ہم کیا کرسکتے ہیں۔ اداکارہ نے حکومت کی کارکردگی پر سوال اٹھاتے ہوئے کہا کہ پیسے کے بغیر ملکی کاروبار کیسے چلے گا۔
توڑ دو بھیک کا کٹورا کپتان کو واپس لاوُ پھر دیکھو ہم کیا کرتے ہیں۔ پیسے کے بغیر کیسے چلے گا کاروبار؟؟؟؟ ظالمو!!!!صاف شفاف انتخابات واحد حل۔ کوئ دھاندلی نہیں
— Samina Peerzada (@SaminaSays) June 13, 2022
سینیئر اداکارہ نے اپنے ایک ٹوئٹ میں یہ بھی کہا کہ جمہوریت کا حسن ہی اختلاف رائے میں ہے۔ ایک دوسرے کہ نقطئہ نظر کا احترام کرنا بھی پڑھے لکھے معاشرے کی نشانی ہے۔ انہوں نے کہا کہ مجھے یہ حق ہے کہ میں اپنا نقطئہ نظر پیش کروں اور آپ بھی اس کا احترام کریں۔
جمہورئیت کا حسن ہی اختلاف رائے ہے اور دوسرے کے نقتئہ نظر کا احترام ہی ایک پڑھے لکھے معاشرے کی علامت۔ مجھے بھی حق ہے اپنی رائے کا اور آپکو بھی بس حد ادب ملحوظ رہے
— Samina Peerzada (@SaminaSays) June 14, 2022
