گوگل نیوز پر ہمیں فالو کریںاسلام آباد :ساہیوال یونیورسٹی کے رجسٹرار نے پنجاب حکومت کے کورونا ایس او پیز کی دھجیاں اڑادیں، یونیورسٹی انتظامیہ پنجاب حکومت کے نوٹیفکیشن کے مقابلے میں اپنا نوٹیفکیشن لے آئی،عملے اور فیکلٹی اسٹاف کو حاضری یقینی بنانے کا حکم جاری کردیا گیا۔
حکومت پنجاب کی جانب سے جاری کیے گئے نوٹیفکیشن کے مطابق تمام تعلیمی اداروں ،ٹریننگ انسٹیٹیوٹس کو بند رکھنے کا حکم دیا گیا تھا تاہم یونیورسٹی آف ساہیوال قانون کی پابندی کرنے سے منحرف ہو گئی۔
یونیورسٹی آف ساہیوال کے کمپیوٹر سائنس ڈیپارٹمنٹ کے سربراہ ڈاکٹر شفیق سے حکومتی نوٹیفکیشن کے بارے میں پوچھا گیا تو ان کا کہنا تھا کہ حکومت پنجاب کا تعلیمی ادارے بند کرنے کا نوٹیفکیشن جاری ہوا مگر وی سی کا حکم ہے کہ یونیورسٹی کو کھلا رکھا جائے اور ضروری عملہ بھی یونیورسٹی میں حاضر رہے ۔
علاوہ ازیں یونیورسٹی آف ساہیوال کے حکومتی نوٹیفکیشن کے برعکس جاری نوٹیفکیشن میں مزید کہا گیا ہے کہ جس اسٹاف ممبر اورآفیسر کو جامعہ نے نہیں بلایا وہ بھی موبائل فون پر ہمہ وقت حاضر ہیں تاکہ ضرورت پڑنے پر ان کو طلبی کے حوالے سے بروقت آگاہ کیا جائے۔
مزید پڑھیں: اسلام آباد کی ہاؤسنگ سوسائٹیز میں سہولیات کے نام پر عوام سے فراڈ کا انکشاف
