بی جے پی حیدرآباد میں ہندو نظریات مسلط کرنے کے درپے ہے

بھارت میں حکمراں جماعت بی جے پی اپنے نفرت بھرے ہندوتوا نظریے کو پھیلارہی ہے اور ملک میں اپنے نظریات مزید پھیلاتی جارہی ہے، ایک زعفرانی لہر پورے ہندوستان میں پھیلتی ہی جارہی ہے۔ اس کا اگلا ہدف اب مسلم اکثریتی تاریخی شہر حیدرآباد ہے جہاں میونسپل انتخابات ہوچکے ہیں۔

اترپردیش کے انتہا پسند وزیر اعلیٰ یوگی آدتیہ ناتھ جو مسلمانوں کے خلاف نفرت انگیز اور متعصبانہ تقریروں کے لئے مشہور ہیں ،انہوں نے اس شہر کا نام بھاگیا نگر رکھنے کا عزم کیا ہے۔

اس پارٹی نے پہلے فیض آباد کا نام ایودھیا اور الہ آباد کا نام پریاگراج رکھ دیا۔ بی جے پی نے اب دعویٰ کیا ہے کہ حیدرآباد میں مشہور چارمینار یادگار ایک مندر پر تعمیر کی گئی ہے۔ ایک عارضی بانس کا مندر اب بھی قریب ہی کھڑا ہے لیکن بابری مسجد کی طرح بی جے پی بھی اپنے نظریہ کو آگے بڑھانے کے لئے اسے بہانہ بنا رہی ہے۔

بی جے پی نے کہا ہے کہ وہ حیدرآباد میں ’نظامی ثقافت‘ کو ختم کرنا چاہتی ہے جس نے بااثر مسلم حکمرانوں کا ذکر کرتے ہوئے تقسیم سے قبل صدیوں تک اس علاقے پر حکومت کی۔ نظام کے اہل خانہ نے اس بیان پر زور دیا ہے اور اسے ایک سیاسی چال قرار دیا ہے۔ ہندوستان میں آج کل صرف ایک مٹھی بھر مسلمان سیاستدان ہیں۔ مجلس اتحاد المسلمین (ایم آئی ایم) کے سربراہ اسد الدین اویسی سب سے بڑے نقاد ہیں جنہوں نے حیدرآباد میں بی جے پی کی دخل اندازی کو چیلنج کیا ہے۔

اسد الدین اویسی نے بی جے پی کو حیدرآباد میں سخت ٹکر دی ہے اور پارٹی کے ذریعہ انہیں ذاتی طور پر نشانہ بنایا ہے۔ بی جے پی کے کچھ رہنماؤں نے انھیں ’جدید جناح‘ قرار دیا ہے اور کچھ نے پاکستانیوں اور روہنگیاؤں کو مٹا دینے کے لئے سرجیکل اسٹرائیک کی دھمکیاں دینا شروع کردی ہیں ۔ انتخابات میں کم ٹرن آؤٹ ہوا جس سے رائے دہندگان کی عدم دلچسپی واضح ہے اور یہ بھی کہ بہت سے لوگ اب اس طرح کی بیان بازیوں سے تنگ آ چکے ہیں اور ترقی دیکھنا چاہتے ہیں۔

ہندوستانی حکومت اپنی فاشسٹ سیاست کو کم کرنے کے بجائے مزید دباؤ اورمسائل پیدا کررہی ہے، ہزاروں کسان نئی دہلی کے باہر احتجاج کر رہے ہیں اور بی جے پی حکومت کی طرف سے نافذ کردہ زراعت کے متنازعہ قوانین کو ختم کرنے کا مطالبہ کررہے ہیں اور انہوں نے مذاکرات کی پیش کش کو مسترد کردیا ہے۔

آدھے ہندوستانی اب بھی زراعی شعبہ سے وابستہ ہیں لیکن انھیں پیداوار میں کمی، خشک سالی اور کم قیمتوں کے ساتھ قرضوں کے حصول میں مشکلات کا سامنا ہے۔ یہ برسوں کا سب سے بڑا احتجاج ہے اور اب بین الاقوامی سطح پر بھی اسکی مذمت کی جارہی ہے۔

ہندوستان کی حکومت کوروناکے پھیلاؤ کے دوران کسانوں کے پرامن احتجاج کو نظرانداز کرنے کے لئے دوسروں کو مورد الزام قرار نہیں دے سکتی۔ تمام تر مشکلات کے باوجود یہ جنوبی ہند میں بھی اپنے نفرت انگیز نظریات کو جاری رکھے ہوئے ہے جس نے ملک کے سیکولر تشخص کو مکمل طور پر بدل دیا ہے اور ایسا لگتا ہے کہ بھارت مکمل طور پر ہندو توا کے زیر آگیا ہے۔