گوگل نیوز پر ہمیں فالو کریںاسلام آباد:شہر اقتدار وفاقی دارلحکومت میں چیئرمین سینیٹ کے انتخاب کے حوالے سے تمام تیاریاں مکمل کر لی گئیں ہیں،سینیٹ کا اہم اجلاس کل بروز جمعہ ہوگا، اجلاس میں نئے منتخب ہونے والے سینیٹرز کی حلف برداری کی جائے گی۔
ذرائع کا کہنا ہے کہ چیئرمین سینیٹ کے انتخاب کے لیے حکومت اور پی ڈی ایم سر دھڑ کی بازی لگانے کیلئے تیار ہیں،پی ڈی ایم کسی بھی صورت چیئرمین سینیٹ کا انتخاب ہارنا نہیں چاہتی۔
دوسری جانب حکومت کے نامزد کردہ امیدوار صادق سنجرانی نے بھی اپنی جیت کے تمام انتظامات مکمل کر لیے ہیں اور کل چیئرمین سینیٹ کے ہونے والے انتخاب میں جیت کے دعویدار ہیں۔
واضح رہے کہ پی ڈی ایم کے پاس 53سیٹیں ہیں اور حکومت اور اتحادیوں کی کل ملا کر 47 سیٹیں ہیں لیکن اس کے باوجود بھی ذرائع کا کہنا ہے کل کا سورج صادق سنجرانی کی جیت کے ساتھ طلوع ہوگا اور آنے والے سینیٹ کے چیئرمین صادق سنجرانی ہونگے۔
دوسری جانب وفاقی وزیر داخلہ نے ٹوئٹ کرتے ہوئے کہا کہ انہیں یقین ہے کہ صادق سنجرانی یقینا چیئرمین سینیٹ کے لئے منتخب ہوجائیں گے۔
Big Prediction About Chairman Senate Election ????https://t.co/Tc0IG0n2DJ pic.twitter.com/LMmnYKjRH4
— Sheikh Rashid Ahmed (@ShkhRasheed) March 11, 2021
