گوگل نیوز پر ہمیں فالو کریںنئی دہلی: بھارت میں تعینات روس کے سفیر ڈینس الیپوف کو اپنے اِس بیان پر وضاحت کرنی پڑ گئی کہ غیر مستحکم پاکستان بھارت کے مفاد میں نہیں۔
تفصیلات کے مطابق روسی سفیر ڈینس الیپوف نے سماجی رابطے کی ویب سائٹ ٹوئٹر پر اپنے ایک پیغام میں کہا کہ غیر مستحکم پاکستان بھارت یا افغانستان کے مفاد میں اچھا نہیں۔
ترکیہ اور شام میں زلزلہ،4ہزار 961سے زائد افراد جاں بحق
جیسے ہی روسی سفیر ڈینس الیپوف کے بیان پر ردِ عمل آنا شروع ہوا تو صورتحال کی سنگینی سمجھتے ہوئے اپنے دوسرے ٹوئٹر پیغام میں روسی سفیر نے اپنے پہلے بیان کی وضاحت کردی۔
روسی سفیر نے کہا کہ میرا مطلب یہ ہے کہ جنوبی ایشیا کے خطے میں غیر مستحکم پاکستان کسی ملک کے مفاد میں نہیں۔ مضبوط بھارت مخالف پاکستان کسی کے مفاد میں نہیں ہوسکتا۔
Meaning destabilized Pakistan is not in the interests of any in the region. A strong anti-India Pakistan cannot be in the interest of any, particularly India. pic.twitter.com/yNBrITZUdt
— Denis Alipov ???????? (@AmbRus_India) February 6, 2023
سفیرِ روس کے بیان سے نہ ان کا پیغام ہی واضح ہوسکا نہ ہی اس سے یہ واضح ہوا کہ اگر روس کے پاکستان اور بھارت سے تعلقات کی پالیسی میں اگر کوئی تبدیلی آئی ہے تو وہ کیا ہے۔
بھارتی میڈیا کا کہنا ہے کہ روسی سفیر کے پیغامات سے ایک بات واضح ہوئی کہ روس پاکستان کی صورتحال پر فکر مند ہے، جبکہ پاکستان کی معاشی صورتحال خطے کے دیگر ممالک کیلئے بھی پریشان کن ہے۔
