بھارتی اداکارہ روبینہ دلائک نے بگ باس 14 کافائنل جیت لیا

ممبئی: بھارتی اداکارہ روبینہ دلائک نے بگ باس 14 کافائنل جیت لیا، راکھی ساونت 14 لاکھ لے کر شو سے واک آئوٹ ہوگئیں جبکہ ایلی گونی کو ووٹ آؤٹ کیا گیا۔

روبینہ دلائک اور راہول ویدیا ٹاپ ٹو میں پہنچے، راہول ویدیا کو سلمان نے اس شو میں عمدہ کارکردگی کے لئے سراہا تھا تاہم روبینہ دلائک کو بگ باس 14 کی فاتح قرار دیا گیا ۔

روبینہ دلائک نے اپنے انسٹاگرام پر ایک ویڈیو پوسٹ کی اور مداحوں کا شکریہ ادا کیا ،تقریب کے اختتام پر روبینہ دلائک اور راہول ویدیا جذباتی ہو گئے اورگھر میں لڑائیوں اور اچھے لمحات لمحوں کے بارے میں یادیں تازہ کیں۔

One of my favorite part of Rubina journey #RubinaDilaik #BB14 #AbkiBaarRubinaDilaik pic.twitter.com/42MHvnVNI5

— Akanksha (@Dr_AKS9) February 20, 2021

فروری کے شروع میں مقبول ترین بھارتی رئیلٹی شو بگ باس سیزن 10 کے متنازع ترین کردار سوامی اوم چل بسے تھے۔سوامی اوم کو فالج کے حملے کے بعد طبیعت بگڑنے پر اسپتال منتقل کیا گیا تھا۔

ذرائع کا کہنا ہے کہ سوامی اوم کورونا کا بھی شکار تھے۔ کمزوری کے باعث ان کی طبیعت سنبھل نہیں پائی جس کے بعد انہیں فالج کا اٹیک ہوا اور دوران علاج وہ چل بسے۔

بگ باس سیزن 10 سے مشہور ہونے والے سوامی اوم کو شو میں انتہائی غیرمناسب حرکت کرنے پر نکال دیا گیا تھا۔ شو کے فارمیٹ کے تحت گھر کے ارکان نے خراب رویے کے باعث ہفتہ وار کپتانی کیلئے سوامی کو مسترد کیا تھا۔