گوگل نیوز پر ہمیں فالو کریںکراچی :نجی بینک کے ملازمین مبینہ طور پر ڈاکوؤں کو معلومات فراہم کرنے لگے،سابق ایف آئی اے افسر کو بینک سے رقم لےکر نکلنے کے بعد لوٹ لیا گیا۔
اشرف نامی سابق ایف آئی اےافسر نے سائٹ سپر ہائی وے تھانے کی حدود میں احسن آباد کے قریب بینک سے بذریعہ چیک رقم نکلوائی تھی ۔2مسلح ملزمان پیچھا کرنے کے بعد 15لاکھ روپے لوٹ کر فرار ہوگئے ۔
سابق ایف آئی اے افسر اشرف نے بتایا کہ ملزمان نے گاڑی روک کر ہم سےاسلحہ کے زور پر رقم طلب کی تو میں نے بینک سے لائی ہوئی رقم کا ایک پیکٹ پھاڑ کر نوٹ دکھائے اور ان کے حوالے کر دیے۔
انہوں نے بتایا کہ ملزمان نے وہ رقم لی اور کہا کہ پورے پیسے دو 15لاکھ روپے نکال کر لائے ہوہمیں سب پتہ ہے۔انہوں نے میرے پاؤں پر گولی مارنی چاہی تو انکی نظر میرے پاؤں کے قریب رکھے رقم کے دوسرے پیکٹ پر پڑ گئی ۔
اشرف نامی شخص نے کہا کہ مجھے ایسامحسوس ہوتا ہے کہ بینک سے معلومات فراہم کی گئی ہے کیوں کہ یہ کیسے ممکن ہے کہ جس بینک سے ہم نے رقم نکلوائی ہے وہاں سےآتے ہوئے راستے میں ہمیں ڈاکو آکر کہیں کہ ہمیں پتہ ہے تم 15 لاکھ روپے لے کر آئے ہو ۔
بینک مینیجر کے کمرے میں میں نے چیک دیےتھے ،حد تویہ ہے کہ بینک سی سی ٹی وی فوٹیج بھی نہیں دے رہا اور نہ ہی تعاون کررہا ہے۔
مزید پڑھیں:کراچی میں حوالہ ہنڈی کا بڑا نیٹ ورک پکڑا گیا، 5ملزمان گرفتار،کروڑوں روپے ضبط
