گلوکارہ ریحانہ کے ہاں پہلے بچے کی پیدائش، مداحوں کی مبارکباد

بارباڈوس سے تعلق رکھنے والی امریکی گلوکارہ ریحانہ کے ہاں پہلے بچے کی پیدائش ہوئی جس پر مداحوں نے گلوکارہ اور بوائے فرینڈ ریپر راکی کو مبارکباد دی ہے۔

تفصیلات کےمطابق گلوکارہ ریحانہ نے 7روز قبل امریکی شہر لاس اینجلس میں ایک بچے کو جنم دیا۔ موسیقی کے شعبے سے تعلق رکھنے والے مشہور و معروف جوڑے کا یہ پہلا بچہ ہے۔

یہ بھی پڑھیں:

برطانوی گلوکار کا دوسرے ننھے مہمان کی آمد پر اظہارِمسرت

حیرت انگیز طور پر گلوکارہ ریحانہ اور راکی کی جانب سے بچے کی پیدائش کےمتعلق کوئی باضابطہ اعلان سامنے نہیں آیا تاہم رواں برس جنوری میں ریحانہ نے اپنے حاملہ ہونے کا اعلان کیا تھا۔

گریمی ایوارڈ اپنے نام کرنے والی گلوکارہ نے پہلی بار جنوری میں انکشاف کیا کہ وہ راکی کے ہمراہ اپنے پہلے بچے کی پیدائش کی منتظر ہیں۔ اپریل کے دوران بچے کیلئے بے بی شاور کا بھی اہتمام کیا گیا۔

مارچ کے دوران ایک انٹرویو دیتے ہوئے گلوکارہ ریحانہ کا کہنا تھا کہ میں سمجھتی ہوں کہ بچے کی پرورش کیلئے  میرا انداز نیو جرسی کی کسی اصلی گھریلو خاتون جیسا ہوگا۔

فروری کے دورا ن ایک پروگرام میں گفتگو کرتے ہوئے ریحانہ نے کہا کہ میں حاملہ ہونے کے باوجود فیشن کیلئے کام کرتی ہوں جو ایک چیلنج رہا ہے تاہم مجھے یہ پسند ہے اور میں خوش ہوں۔

گلوکارہ ریحانہ نے کہا کہ حاملہ ہونے کے باعث میرا پیٹ بڑھ گیا لیکن مجھے اسے چھپانے کی فکر کرنے کی ضرورت نہیں۔ اگر میں خود کو تھوڑا سا موٹا محسوس کرتی ہوں تو اس سے فرق نہیں پڑتا۔