مدرسے کے قاری کا سبق یاد نہ کرنے پر تشدد، طالبِ علم جاں بحق

قصور میں دینی مدرسے کے قاری نے سبق یاد نہ کرنے پر طالبِ علم کو بد ترین تشدد کا نشانہ بنایا جس کے نتیجے میں طالبِ علم جاں بحق ہوگیا ہے۔

تفصیلات کے مطابق ملزم قاری وقاص نے سبق یاد نہ کرنے پر مدرسے کے طالبِ علم پر بد ترین تشدد کیا۔ پولیس نے طالبِ علم کی جان لینے والے مدرسے کے قاری کو گرفتار کرلیا۔

یہ بھی پڑھیں:

مدرسہ سے 13سالہ بچے کی پھندا لگی لاش برآمد، معمہ حل نہ ہوسکا

حکام کا کہنا ہے کہ ملزم نے طالبِ علم کی جان لے لی۔ قصور پولیس نے ملزم کو گرفتار کر لیا ہے۔ آئی جی پنجاب نے بچے کے قتل کا نوٹس لے لیا۔

ملزم قاری وقاص نے سبق یاد نہ کرنے پر طالبعلم کو تشدد کا نشانہ بنایا جس سے وہ جاں بحق ہو گیا۔ قصور پولیس نے ملزم کو گرفتار کر لیا۔ آئی جی پنجاب نے ڈی پی او قصور کو مقدمے کی خود پیروی کرنے اور ملزم کو قرار واقعی سزا دلوانے کی ہدایت کی ہے۔ pic.twitter.com/VvAchYveNy

— Punjab Police Official (@OfficialDPRPP) January 20, 2022

پنجاب پولیس کے مطابق آئی جی پنجاب نے ڈی پی او قصور کو مقدمے کی خود پیروی کرنے اور ملزم کو قرار واقعی سزا دلوانے کی ہدایت کی۔ 

خیال رہے کہ وفاقی دارالحکومت اسلام آباد سمیت ملک کے مختلف شہروں میں دینی مدرسوں میں طلبہ و طالبات کے ساتھ تشدد کے واقعات میں اضافہ ہورہا ہے۔ 

قبل ازیں اسلام آباد میں مدرسہ سے 13 سالہ بچے کی پھندہ لگی لاش بر آمد ہوئی تاہم یہ قتل تھا یا خودکشی؟ واقعہ کو ایک ہفتہ گزرنے کے باوجود پولیس یہ معمہ حل نہ کرسکی۔

تفتیشی ٹیم نے گزشتہ برس اگست 2021 میں لاہور فرانزک لیبارٹری سے حتمی رپورٹس کے آنے تک معاملہ التواء میں ڈال دیا۔مشکوک افراد کے بیانات بھی معمہ حل نہ کرسکے۔