عمران خان کو 62ون ایف کے تحت نااہل کرنے کیلئے ریفرنس الیکشن کمیشن میں جمع

اسلام آباد: سابق وزیر اعظم عمران خان کو آئین کی دفعہ 62 ون ایف کے تحت نااہل کروانے کیلئے ریفرنس الیکشن کمیشن آف پاکستان میں جمع کرادیا گیا ہے۔مذکورہ اقدام کمیشن کی جانب سے ممنوعہ فنڈنگ کیس کا فیصلہ سنائے جانے کے بعد سامنے آیا۔ 

تفصیلات کے مطابق الیکشن کمیشن کا اپنے فیصلے میں کہنا تھا کہ عمران خان پر ممنوعہ فنڈنگ ثابت ہوگئی۔ سابق وزیر اعظم کے خلاف گزشتہ روز دائر کیے گئے ریفرنس میں کہا گیا ہے کہ عمران خان کی نااہلی کیلئے ریفرنس اسپیکر قومی اسمبلی کے پاس جمع کرایا گیا تھا۔

یہ بھی پڑھیں:

وزیر اعظم کا جنوبی بلوچستان اور جنوبی پنجاب دورے کا فیصلہ

الیکشن کمیشن کو جمع کرائے گئے ریفرنس میں مزید کہا گیا ہے کہ اسپیکر قومی اسمبلی نے 30 روز گزر جانے کے باوجود بھی چیئرمین پی ٹی آئی عمران خان کی نااہلی کے متعلق کوئی فیصلہ نہیں کیا جبکہ سابق وزیر اعظم پر توشہ خانہ سے لیے گئے تحائف کی تفصیل جمع نہ کرانے کا الزام ہے۔

واضح رہے کہ اس سے قبل حکمراں سیاسی جماعت ن لیگ کی نائب صدر مریم نواز کا کہنا تھا کہ پی ٹی آئی کو چیف الیکشن کمشنر کی بجائے عمران خان سے استعفیٰ مانگنا چاہئے۔ عمران خان نے ناجائز پیسے سے اپنی جیبیں بھرنے کیلئے جماعت کو بھینٹ چڑھا دیا۔