ملک میں سونے کی فی تولہ قیمت میں کمی

اسلام آباد: پاکستان میں سونے کی فی تولہ قیمت میں آج کاروباری روز کے دوران کمی کا رجحان دیکھا گیا۔

آل پاکستان جیمز اینڈ جیولرز ایسوسی ایشن کے جاری کردہ بیان میں کہا گیا ہے کہ ملک میں سونے کی فی تولہ قیمت 200 روپے کم ہوئی ہے۔

ایسوسی ایشن کے بیان کے مطابق فی تولہ سونے کی قیمت 200 روپے کم ہوکر 2 لاکھ 20 ہزار 500 روپے ہوگئی جبکہ 10 گرام سونے کا بھاؤ 171 روپے کم ہوکر ایک لاکھ 89 ہزار 43 روپے ہے۔

مزید پڑھیں:اسٹاک مارکیٹ میں 31.81 پوائنٹس کا اضافہ

دوسری جانب بین الاقوامی مارکیٹ میں سونے کی فی اونس قیمت 1951 ڈالر برقرار ہے۔