گوگل نیوز پر ہمیں فالو کریںراولپنڈی پولیس نے سوشل میڈیا کا استعمال کرتے ہوئے گمشدہ 3 سے 4 سالہ بچے کو والدین سے ملوا دیا ہے جس پر سوشل میڈیا صارفین خوشی کا اظہار کر رہے ہیں۔
سماجی رابطے کی ویب سائٹ ٹوئٹر پر اپنے پیغام میں راولپنڈی پولیس نے کہا کہ ہمیں راولپنڈی کے علاقے پیر ودھائی سے بس اڈے پر ملا جو اپنا نام علی بتاتا ہے۔
پیغام میں راولپنڈی پولیس نے کہا کہ ہم بچے کے والدین کو تلاش کر رہے ہیں۔ اگر سوشل میڈیا صارفین اِس حوالے سے کچھ جانتے ہوں تو ہمیں پیغام بھیجیں۔ ایس ایچ او تھانہ پیر ودھائی سے رابطہ بھی کیاجاسکتا ہے۔
علی۔ عمر تقریباً 3/4 سال۔
پیرودھائی پولیس کو یہ بچہ پیرودھائی بس اڈہ سے ملا ہے، اپنا نام علی بتاتا ہے جس کے والدین کی تلاش مطلوب ہے۔ اگر آپ کے پاس اس حوالے سے کوئی معلومات ہوں تو ہمیں میسج بھیجئیے یا بذریعہ فون ایس ایچ او تھانہ پیرودھائی 03097770721 سے رابطہ کیجیے۔ pic.twitter.com/DeiLEC7Ihk
— Rawalpindi Police (@RwpPolice) July 13, 2020
گزشتہ شب کیے گئے اِس پیغام پر زبردست ردِ عمل ملا۔ اگلے ہی دن راولپنڈی پولیس نے بچے کو والدین سے ملانے کی تصاویر شیئر کردیں۔
گمشدہ بچے کو راولپنڈی پولیس نے بحفاظت اس کے والدین سے ملوا دیا۔ پیر ودھائی پولیس کی انتھک محنت اور سوشل میڈیا کی ذریعے کمیونٹی معلومات کی بدولت کامیابی حاصل ہوئی جسے راولپنڈی پولیس نے سب کی کامیابی قرار دیا ہے۔
راولپنڈی پولیس نے گمشدہ بچے علی کو بحفاظت اسکے والدین سے ملوا دیا۔
پیرودھائی پولیس کی انتھک محنت اور خصوصأ سوشل میڈیا کے ذریعے کمیونٹی کی طرف سے ملنے والی معلومات کی بدولت پولیس یہ کامیابی حاصل کر سکی۔
یہ ہم سب کی کامیابی ہے۔ الحمد اللہ۔ https://t.co/ya7V2YJIqY pic.twitter.com/SZY9MPD6uA
— Rawalpindi Police (@RwpPolice) July 14, 2020
یہ بھی پڑھیں: 4 طلباء پر تیزاب پھینکنے کا الزام، استاد گرفتار
