گوگل نیوز پر ہمیں فالو کریںراولپنڈی پولیس نے گھر سے لاپتہ ہونے والی 4کمسن بچیوں کو تلاش کرکے والدین کے حوالے کردیا ہے۔ بچیوں کی عمریں 3 سے 8سال کے درمیان ہیں۔
سماجی رابطے کی ویب سائٹ ٹوئٹر پر جاری کردہ معلومات کے مطابق راولپنڈی میں ریس کورس سے 3 سال، 4، 6 اور 8 سال کی 4 بچیاں لاپتہ ہوگئیں۔
کراچی، شاہ فیصل کالونی سے لاپتہ ہونیوالے 3سالہ بچے کی لاش برآمد، پڑوسی گرفتار
بچیوں کے لاپتہ ہونے کی اطلاع ملنے پر پولیس نے فوری کارروائی کرتے ہوئے گھر کا راستہ بھول کر بھٹک جانے والی بچیوں کو تلاش کرلیا۔
یہ چار بچیاں بعمر 8 سال، 6 سال، 4سال اور 3 سال آج ریس کورس کے علاقہ سے لاپتہ ہوئیں، شہری کی اطلاع پر پولیس نے فوری ریسپانڈ کرتے ہوئے گھر کا راستہ بھول کر بھٹک جانے والی بچیوں کو تلاش کرکے والدین کے حوالے کردیا۔ چاہے گھر پر ہوں یا باہر، اپنے بچوں پر نظر رکھنے میں کوتاہی مت برتیے۔ pic.twitter.com/J5bZENrmFa
— Rawalpindi Police (@RwpPolice) March 17, 2022
پولیس کا کہنا ہے کہ بچیوں کی گمشدگی کی اطلاع ایک شہری نے دی۔ بچیوں کو والدین کے حوالے کردیا گیا ہے۔ چاہے گھر پر ہوں یا باہر، اپنے بچوں پر نظر رکھنے میں کوتاہی نہ کریں۔
خیال رہے کہ اس سے قبل کراچی میں شاہ فیصل کالونی سے لاپتہ ہونے والے 3 سالہ بچے کی لاش مل گئی، بچے کے ماموں کی نشاندہی پر پڑوسی کو گرفتار کرلیا گیا۔
شاہ فیصل کالونی کے قریب سے 3 سالہ بچے کی لاش برآمد ہوئی ، ریسکیوذرائع کا کہنا ہے کہ ارحم نامی بچہ 12 فروری کو لاپتہ ہواتھا اور زینب الرٹ ایپلی کیشن میں بھی بچے کے لاپتہ ہونے کی شکایت درج کی گئی تھی۔
