راولپنڈی پولیس کی کارروائی، 3 ملزمان گرفتار، 13موٹر سائیکلز برآمد

راولپنڈی پولیس نے کارروائی کرتے ہوئے 3 ملزمان کو گرفتار کر لیا جن پر موٹر سائیکلز چوری کرنے کا الزام ہے جبکہ ملزمان کے قبضے سے 13 موٹر سائیکلز بھی برآمد ہوئیں۔

تفصیلات کے مطابق راولپنڈی پولیس نے موٹر سائیکل چوری میں ملوث ملزمان کے خلاف مؤثر کارروائی جاری رکھی ہوئی ہے۔ پولیس نے 3 ملزمان کو شہر کے 2 مختلف علاقوں سے گرفتار کیا۔

یہ بھی پڑھیں:

 منشیات فروشوں کیخلاف کریک ڈاؤن، 5ملزمان گرفتار

تھانہ وارث خان پولیس نے 2 ملزمان ندیم اور فضل کو گرفتار کرکے ان کے قبضے سے 9  موٹر سائیکلز جبکہ تھانہ صادق آباد پولیس نے ملزم مزمل سے 4موٹر سائیکلز برآمد کیں۔

مجموعی طور پر 3 ملزمان کے قبضے سے 13 موٹر سائیکلز برآمد ہوئیں۔ راولپنڈی پولیس کا کہنا ہے کہ گرفتار ملزمان سے برآمد کی گئی موٹر سائیکلز پر تفتیش جاری ہے۔ 

یاد رہے کہ اس سے قبل راولپنڈی پولیس نے منشیات فروشوں کے خلاف کریک ڈاؤن کیا جس کے دوران 5 ملزمان کو گرفتار کر لیا گیا، ملزمان کے قبضے سے چرس برآمد ہوئی۔

آج سے 2ماہ قبل راولپنڈی پولیس نے منشیات فروشوں کے خلاف مؤثر کریک ڈاؤن کے دوران 5 ملزمان کو حراست میں لے لیا جن کے قبضے سے ساڑھے 9 کلو کے قریب چرس برآمد کر لی گئی۔