گوگل نیوز پر ہمیں فالو کریںپاکستانی مکسڈ مارشل آرٹسٹ راشد نسیم نے ایک اور اعزاز حاصل کرتے ہوئے چائنیز مارشل آرٹس ماسٹر کا نن چکو کیٹیگری کا ریکارڈ توڑ دیا ہے۔
نن چکو کیٹیگری میں راشد نسیم نے چائنیز مارشل آرٹس ماسٹر کا ریکارڈ توڑتے ہوئے تاریخ رقم کردی۔ ملکی تاریخ میں سب سے زیادہ ورلڈ ریکارڈ بنانے والے محمد راشد نسیم نے نن چکو کیٹگری میں پانچویں بار بین الاقوامی سطح پر جیت اپنے نام کی۔
گنیز بک آف ورلڈ ریکارڈ کی جانب سے راشد نسیم کے نئے ورلڈ ریکارڈ کی تفصیلات ویب سائٹ پر جاری کردی گئی ہیں۔ چین کے مارشل آرٹس ماسٹر شی ڈیشانگ نے ایک منٹ میں نن چکو کی مدد سے 74 غبارے پھاڑنے کا ورلڈ ریکارڈ قائم کیاتھا جو ٹوٹ گیا۔
View this post on Instagram
مکسڈ مارشل آرٹسٹ پاکستانی کھلاڑی راشد نسیم نے نن چکو کی مدد سے صرف ایک منٹ میں 80غبارے پھاڑ کر چینی مارشل آرٹسٹ کا ریکارڈ توڑ دیا۔ گنیز بک آف ورلڈ ریکارڈ انتظامیہ نے راشد نسیم کا 122 واں ریکارڈ بھی منظور کرلیا۔
گنیز بک آف ورلڈ ریکارڈ کی جانب سے راشد نسیم کو سرٹیفکیٹ بھی موصول ہویگا ہے۔ راشد نسیم نے اپنے مداحوں کے ساتھ فوٹو شیئرنگ پلیٹ فارم انسٹاگرام پر سرٹیفکیٹ شیئر کردیا ہے۔ مکسڈ مارشل آرٹسٹ راشد ندیدم نے ورلڈ ریکارڈ کو فلسطین کے نام کردیا۔
