گوگل نیوز پر ہمیں فالو کریںلاہور: ایچ بی ایل پاکستان سپر لیگ 7 میں لاہور قلندرز کی نمائندگی کرنے والے افغان کرکٹر راشد خان نے 27 فروری کو ہونے والے فائنل میں شامل ہونے کی خبر وں کی تردید کردی۔
میچ ونر بالر راشد خان کا اپنے ٹوئٹر پر جاری کردہ پیغام میں کہنا تھا کہ لاہور قلندرز کی ٹیم کے ساتھ فائنل کھیلنا اعزاز کی بات ہوتی لیکن قومی فریضے کے سبب میں فائنل میں شامل نہیں سکتا، راشد خان کا کہنا تھا کہ نیشنل ڈیوٹی اولین ترجیح ہوتی ہے۔
ورلڈ کلاس اسپن بالر کا کہنا تھا کہ میں اپنی ٹیم کے کپتان شاہین آفریدی اور سی او او ثمین رانا کے لیے نیک خواہشات کا اظہار کرتا ہوں۔
یاد رہے کہ افغان کرکٹر راشد خان قومی ڈیوٹی کے باعث پی ایس ایل ادھورا چھوڑ کر بنگلادیش چلے گئے تھے جہاں افغانستان کی ٹیم ون ڈے سیریز کھیلنے میں مصروف ہے۔
مزید پڑھیں: لاہور قلندرز یا ملتان سلطانز، پی ایس ایل 7 کے چیمپئن کا فیصلہ کل ہوگا
