گوگل نیوز پر ہمیں فالو کریںکراچی: پاکستان تحریکِ انصاف کے رہنما اور رکنِ اسمبلی راجہ اظہر نے سندھ اسمبلی میں کیپٹن صفدر کے ہاتھوں مزارِ قائد کی پامالی کے خلاف قرارداد جمع کرادی ہے۔
تفصیلات کے مطابق راجہ اظہر نے سندھ اسمبلی میں ن لیگی رہنما کیپٹن صفدر اعوان اور دیگر کے خلاف قرارداد جمع کرائی جس میں کہا گیا ہے کہ کیپٹن (ر) صفدر اور کارکنان نے مزارِ قائد کے قانون کی خلاف ورزی کی۔
سندھ اسمبلی میں جمع کرائی گئی قرارداد کے متن میں کہا گیا ہے کہ ن لیگی رہنماؤں نے مزارِ قائد پر غنڈہ گردی اور سیاسی نعرے لگا کر پاکستانیوں کے جذبات کو مجروح کیا۔ ن لیگی رہنماؤں کی غیر اخلاقی حرکت کی شدید مذمت کرتے ہیں۔
قرارداد کے متن میں کہا گیا ہے کہ ہم سندھ حکومت اور وفاقی حکومت سے کیپٹن صفدر اور ن لیگی کارکنان کے اِس اقدام کے خلاف سخت کارروائی کا مطالبہ کرتے ہیں۔
یہ بھی پڑھیں: اپوزیشن کا جلسہ روکا جائے۔خرم شیرزمان نے قرارداد جمع کرادی
