کراچی میں کسٹم کا چھاپہ، اسمگل شدہ ٹائر ضبط، تاجر برادری کا شدید احتجاج

کراچی میں کسٹم حکام نے کارروائی کرتے ہوئے اسمگل شدہ تمام ٹائرز ضبط کر لیے جس پر تاجر برادری نے شدید احتجاج کیا۔

شہرِ قائد کے علاقے پرانی سبزی منڈی کے قریب کسٹم نے چھاپہ مار کارروائی کی جس پر ٹائروں کے تاجروں نے احتجاج کیا۔ تاجروں نے یونیورسٹی روڈ کے دونوں ٹریک رکاوٹیں لگا کر بند کردئیے۔

تاجروں نے الزام لگایا کہ کسٹم حکام کی کارروائی کے دوران مبینہ طور پر 2 دکاندار زخمی ہوئے جبکہ کسٹم ذرائع کا کہنا ہے کہ چھاپہ مار کارروائی اسمگلنگ کےٹائرز کی موجودگی کی خفیہ اطلاع پر کی گئی۔

کسٹم حکام کے مطابق یہ کارروائی قانونی تقاضے مکمل کرنے کے بعد کی گئی جس کے دوران اسمگل شدہ ٹائر ضبط کیے گئے ہیں جس پر احتجاج  کرنے والے تاجران پولیس کی مداخلت کے بعد منتشر ہو گئے۔ 

یہ بھی پڑھیں:  میاں بیوی کا جھگڑا، گھر سے 3 بچوں کی لاشیں برآمد