یونیورسٹیوں میں قرآنِ مجید اُردو ترجمے کے ساتھ لازمی قرار دے دیا گیا ہے۔گورنر پنجاب

لاہور:گورنر پنجاب چوہدری محمد سرور نے کہا ہے کہ یونیورسٹیوں میں قرآنِ مجید کو اُردو ترجمے کے ساتھ لازمی مضمون کی حیثیت دے دی گئی ہے۔

سماجی رابطے کی ویب سائٹ ٹوئٹر پر اپنے پیغام میں گورنر پنجاب چوہدری محمد سرور نے کہا کہ یونیورسٹیوں میں قرآن کی اُردو ترجمے کے ساتھ تعلیم کا خواب تعبیر اختیار کر چکا ہے جو اب ہماری یونیورسٹیوں میں لازمی مضمون ہوگا۔

پیغام میں گورنر پنجاب چوہدری محمد سرور نے کہا کہ قرآنِ مجید کے لازمی مضمون کو پاس کیے بغیر ڈگری نہیں ملے گی جبکہ قرآن کی تعلیم ہی ہماری ترقی کی ضامن ہے۔ انہوں نے علامہ اقبال کا یہ شعر بھی شیئر کیا:

قرآن میں ہو غوطہ زن اے مردِ مسلمان

اللہ کرے تجھ کو عطا جدتِ کردار

https://twitter.com/ChMSarwar/status/1272077108039352320