ملکہ برطانیہ نے پاکستان میں سیلاب کے باعث پیش آنے والی تباہی پر دکھ کا اظہار کیا ہے۔

ملکہ برطانیہ نے صدر مملکت عارف علوی کو خط لکھا ہے جس میں پاکستان میں سیلاب سے ہونے والی المناک تباہی پر اظہار تعزیت کیا گیا ہے۔

یہ بھی پڑھیں:

سندھ میں امدادی سامان لوٹنے کا شرمناک واقعہ، ویڈیو وائرل

ملکہ برطانیہ نے اپنے پیغام میں لکھا کہ مجھے پاکستان بھر میں سیلاب سے ہونے والے المناک جانی نقصان اور تباہی کے بارے میں سن کر بہت دکھ ہوا ہے۔

The Queen has sent a message to the President of Pakistan following the floods across the country:

— The Royal Family (@RoyalFamily) August 29, 2022

انہوں نے سیلاب سے متاثرہ افراد اور اس مشکل حالات میں لوگوں کی خدمت کرنے اور انہیں مدد فراہم کرنے والوں سے ہمدردی کا اظہار بھی کیا ۔

پیغام میں مزید یہ بھی کہا گیا ہے کہ برطانیہ ان خوفناک حالات میں پاکستان کے ساتھ کھڑا ہے۔

واضح رہے کہ ملک بھر میں مون سون بارشوں اور سيلاب کی تباہ کارياں جارى ہیں، جس کے بعد جاں بحق افراد کى تعداد 1061 ہوگئی۔

رپورٹ کے مطابق بارشوں اور سیلاب سے سب سے زیادہ اموات سندھ میں ریکارڈ کی گئیں، جہاں 349 اموات ہوئیں جبکہ بلوچستان اور خیبرپختونخوا میں 242،242، پنجاب میں 168، آزاد کشمیر میں 42 اور گلگت بلتستان میں 9 افراد جاں بحق ہوئے۔