گوگل نیوز پر ہمیں فالو کریںراولپنڈی: آرمی چیف جنرل قمر جاوید باجوہ سے قطر کے وزیرخارجہ کے نمائندہ خصوصی نے ملاقات کی جس میں علاقائی سیکیورٹی اور افغان امن عمل پر تبادلہ خیال کیا گیا ہے۔
فوج کے شعبہ تعلقات عامہ ( آئی ایس پی آر) کی جانب سے جاری ہونے والے بیان کے مطابق آرمی چیف اور نمائندہ خصوصی کے درمیان ہونے والی ملاقات میں ڈی جی ڈی جی آئی ایس آئی لیفٹیننٹ جنرل فیض حمید بھی شریک تھے۔
آئی ایس پی آر کے مطابق ملاقات میں دونوں ملکوں کے درمیان مختلف شعبوں میں تعاون اورافغان مفاہمتی عمل سے متعلق غور کیا گیا۔
اس موقع پر آرمی چیف جنرل قمر جاوید باجوہ نے کہا کہ پاکستان اور قطر کے درمیان تاریخی اور دوستانہ تعلقات ہیں جو بھائی چارے اور پائیدار شراکت داری پر مبنی ہیں۔
قطری نمائندہ خصوصی ڈاکٹر مطلق بن ماجد نے خطہ میں امن اور استحکام کے لیے پاکستان کی کوششوں کو سراہا اور مل کر کام کرنے کے عزم کا اعادہ کیا۔
یہ بھی پڑھیں: عمران خان استعفیٰ نہیں دینگے،اسمبلیاں توڑ دیں گے، اعتزاز احسن
