گوگل نیوز پر ہمیں فالو کریںلاہور: الیکشن کمیشن آف پاکستان نے پنجاب اسمبلی کی نشستوں پر الیکشن لڑنے والے امیدواروں کو انتخابی نشانات الاٹ کردیئے۔
پاکستان مسلم لیگ ن کی سینئر نائب صدر اور چیف آرگنائزر مریم نواز کو انتخابات میں حصہ لینے کے لیے ’تندور‘ کا نشان الاٹ کیا گیا ہے جب کہ دیگر پارٹی رہنماؤں کو مختلف نشانات الاٹ کیے گئے ہیں۔
الیکشن کمیشن نے انہیں ان کا پارٹی نشان شیر الاٹ نہیں کیا ہے کیونکہ وہ مقررہ مدت یعنی 26 اپریل کے اندر الیکشن کمیشن کو پارٹی ٹکٹ جمع کرانے میں ناکام رہیں۔
مسلم لیگ ن نے اپنی پارٹی کے امیدواروں کو ٹکٹ نہیں دیے کیونکہ وہ پاکستان کے سب سے زیادہ آبادی والے صوبے میں قبل از وقت انتخابات کی مخالفت کر رہی ہے۔
مزید پڑھیں:سراج الحق کی عید الاضحیٰ کے بعد الیکشن کی تجویز
ادھر سابق وزیراعلیٰ پنجاب حمزہ شہباز کو انتخابی نشان کے طور پر کشتی مل گئی جبکہ میز کا نشان عطا اللہ تارڑ کو دیا گیا ہے۔
