گوگل نیوز پر ہمیں فالو کریںلاہور :پنجاب حکومت نے صوبے میں کورونا وائرس کے کیسز میں کمی کے پیش نظر اتوار صوبہ بھر میں عائد کورونا وائرس لاک ڈاؤن ختم کردیا۔
ذرائع کے مطابق سیکریٹری پرائمری اینڈ سیکنڈری ہیلتھ کیئر کیپٹن (ر) محمد عثمان نے نوٹیفکیشن جاری کیا۔ذرائع کے مطابق مویشی منڈیوں سے لئے گئے ا سمارٹ نمونوں کے حوصلہ افزا نتائج کے بعد یہ فیصلہ کیا گیا ہے۔
یہاں یہ بات قابل ذکر ہے کہ حکومت پنجاب نے عید الاضحی کی تعطیلات کے دوران کورونا وائرس کو پھیلانے کے لئے محدود کرنے کے لئے لاہور سمیت صوبے میں اسمارٹ لاک ڈاؤن نافذ کیا تھا۔
اس سلسلے میں جاری ایک نوٹیفکیشن کے مطابق تمام بازار ، شاپنگ مالز ، کاروباری اور تجارتی مراکز 5 اگست تک بند رہیں گے تاہم کھانے پینے کی اشیائے ضروریہ کی دکانیں ، میڈیکل اسٹورز ، جنرل اسٹورز ، پیٹرول پمپ ، بیکری ، سبزیوں کی دکانیں کھلی رہیں گی۔
نوٹیفکیشن میں مزید کہا گیا تھاکہ تمام تعلیمی و تربیتی ادارے ، میرج ہالز ، بزنس سینٹرز ، ایکسپو ہالز ، ریستوران ،تھیم پارکس ، پبلک پارکس ، بیوٹی پارلرز ، سینما گھر اور تھیٹر بند رہیں گے۔
صوبہ میں اسمارٹ لاک ڈاؤن نافذ کرنے کا یہ فیصلہ وزیر اعلیٰ ہاؤس میں وزیر قانون راجہ بشارت کی زیرصدارت کورونا وائرس کابینہ کمیٹی کے اجلاس میں لیا گیا جس میں میاں اسلم اقبال اور دیگر وزراء نے شرکت کی تھی۔
مزید پڑھیں:آٹے کی قلت، راولپنڈی میں نان بائیوں نے روٹی کی قیمت بڑھادی
