گوگل نیوز پر ہمیں فالو کریںاسلام آباد: وفاقی حکومت نے گورنر پنجاب عمر سرفراز چیمہ کو عہدے سے ہٹا دیا ہے۔
ذرائع کا اس حوالے سے کہنا ہے کہ وفاقی حکومت کی جانب سے گورنر پنجاب کو ہٹانے کی سمری صدر مملکت کو بھیج دی گئی ہے، وزیر اعظم شہباز شریف کی جانب سے صوابدیدی اختیارات استعمال کرتے ہوئے گورنر کو عہدے سے ہٹایا گیا ہے۔
گورنر ہاؤس میں میڈیا سے بات کے دوران گورنر پنجاب سے جب صحافیوں کی جانب سے انہیں برطرف کئے جانے سے متعلق پوچھا گیا تو اُن کا کہنا تھا کہ مجھے اس طرح سے نہیں ہٹایا جاسکتا، ابھی صرف سمری بھیجی گئی ہے جس کے بعد صدر مملکت کے پاس سمری پر دستخط کرنے کے لیے 15دن کا وقت ہوتا ہے۔
ذرائع کا کہنا ہے کہ وفاقی حکومت کی جانب سے یہ اقدام اس لئے اُٹھایا گیا ہے کہ عمر سرفراز چیمہ نے آج گورنر ہاؤس میں نومنتخب وزیراعلیٰ پنجاب حمزہ شہباز کے حلف برداری کی تقریب مؤخر کروادی تھی۔
گورنر پنجاب نے اس حوالے سے بات کرتے ہوئے کہا تھا کہ انہوں نے قانونی ٹیم سے مشاورت کے بعد فیصلہ کیا ہے کہ ابھی نومنتخب وزیراعلیٰ پنجاب کی حلف برداری کی تقریب منعقد نہ کی جائے۔
مزید پڑھیں: قومی اسمبلی سے پی ٹی آئی اراکین کے استعفوں پر ڈیڈ لاک
