گوگل نیوز پر ہمیں فالو کریںنیروبی: کینیا میں مشتعل افراد نے پارلیمنٹ پر حملہ کردیا جس پر پولیس کی فائرنگ سے 10افراد ہلاک ہوگئے۔ حملے اور پولیس کی فائرنگ سے ہلاکتوں کی دل دہلا دینے والی ویڈیو سامنے آگئی ہے۔
گزشتہ روز تک سامنے آنے والی اطلاعات کے مطابق عوام نے ٹیکسوں میں مسلسل اور بد ترین اضافے کے باعث اشتعال میں آ کر پارلیمنٹ پر حملہ کیا۔ منگل کے روز ہزاروں مظاہرین نے نیروبی کی پارلیمنٹ کی عمارت میں گھس کر مختلف حصوں کو نذرِ آتش کردیا۔
کینیا میں عوام کا پارلیمنٹ پر حملہ pic.twitter.com/xOHP3k9huL
— Dr. Shahbaz GiLL (@SHABAZGIL) June 25, 2024
واقعے کی ویڈیو سامنے آگئی جس میں عوام کو کینین پارلیمنٹ میں گھس کر حملہ کرتے ہوئے دیکھا جاسکتا ہے۔ اس دوران پولیس نے مظاہرین پر براہِ راست فائرنگ کی جس کے نتیجے میں 10 مظاہرین ہلاک جبکہ درجنوں زخمی ہونے کی اطلاعات سامنے آئیں۔
کینیا کے عوام نے ٹیکسز میں مسلسل اور بے تحاشا اضافے پر شدید غم و غصے کا اظہار کرتے ہوئے ناکام معاشی پالیسیوں پر صدر ولیم روٹو سے عہدہ چھوڑنے کا مطالبہ کیا ہے۔ عوام کے پارلیمنٹ پر حملے کے بعد سے ملک بھر میں صورتحال کشیدہ ہوگئی۔
