پی ٹی وی نے مرحومہ نائلہ جعفری کی موت سے قبل بننے والے ڈرامے کا ٹیزر جاری کردیا

پاکستان کی مقبول و معروف اداکارہ نائلہ جعفری کینسر کے باعث گزشتہ سال انتقال کرگئیں تاہم اُن کے ڈرامے کا ٹیزر پی ٹی وی نے جاری کردیا ہے۔

ڈرامے کے ٹیزر سے ایسا لگتا ہے کہ موت سے قبل نائلہ جعفری نے اپنی زندگی کے سب سے مشکل کردار کا انتخاب کیا تھا۔

ڈرامے کے ٹیزر کو شائقین بہت زیادہ پسند کررہے ہیں کیونکہ اُس میں نائلہ جعفری نے ایک ایسا کردار ادا کیا ہے جس کے سر پر کوئی بال نہیں ہیں۔

 

View this post on Instagram

 

A post shared by Mont Blanc Entertainment (@montblancentertainment)

مرحوم اداکارہ نائلہ جعفری کے علاوہ ڈرامے کی کاسٹ میں محسن گیلانی، نادیہ افگن، روز محمد، حسن نیازی سبیکا امام، سمن انصاری، ایوب کھوسو، نیئر اعجاز، اور بہت سے اداکار شامل ہیں۔

یہ بھی پڑھیں: خلیل الرحمان قمرکا ماہرہ خان کو ڈرامے میں کاسٹ کرنے پر افسوس کا اظہار

ڈرامے کو مونٹ بلینک انٹرٹینمنٹ نے پروڈیوس کیا ہے اور یہ جلد ہی پی ٹی وی ہوم پر نشر کیا جائے گا۔ ڈرامے کے ایگزیکٹو پروڈیوسر تیمور طارق ہیں جبکہ ذیشان احمد نے اسے پروڈیوس کیا ہے، ڈرامے کے ہدایت کار عبداللہ بادینی ہیں اور اسے معروف مصنف علی معین نے لکھا ہے۔

ڈرامے کے ٹیزر سے ایسا لگ رہا ہے کہ کہانی پنجاب کے ان جاگیرداروں کے گرد گھومے گی جو آپس میں دشمنی میں ملوث ہیں۔