گوگل نیوز پر ہمیں فالو کریںاسلام آباد: پارٹی چیئرمین عمران خان کی جانب سے، حکمراں جماعت پی ٹی آئی نے ہفتے کی شام اپنے 20 مخالف ارکان کو ہٹانے کے لیے قومی اسمبلی کے اسپیکر اسد قیصر کے پاس ریفرنس جمع کرا دیا۔
ارکان کے خلاف ریفرنس آرٹیکل 63 (اے) کے تحت دائر کیا گیا ہے اور اسے پی ٹی آئی کے عامر ڈوگر نے اسپیکر کے حوالے کیا۔
ریفرنس کے متن کے مطابق منحرف ارکان پی ٹی آئی کے ٹکٹ پر منتخب ہوئے اور اب وہ اپوزیشن میں شامل ہو گئے ہیں۔
اس اقدام پر ردعمل دیتے ہوئے، پی ٹی آئی کے منحرف رکن نور عالم خان نے صحافیوں کو بتایا کہ جب کوئی شخص اقتدار کے عہدے پر بیٹھا ہوتا ہے، تو وہ ”نہ تو خدا کے بارے میں سوچتا ہے اور نہ ہی ان لوگوں کے بارے میں جن پر وہ حکومت کر رہے ہیں“۔
یہ پیشرفت اس وقت ہوئی جب قومی اسمبلی کے سپیکر اسد قیصر نے کئی گھنٹے گزرنے کے باوجود ابھی تک ارکان کو عدم اعتماد کی تحریک پر ووٹ ڈالنے کی اجازت نہیں دی۔
قومی اسمبلی سیکرٹریٹ ذرائع کا کہنا ہے کہ اجلاس رات 12 بجے تک جاری رہنے کا امکان ہے جب کہ وزیراعظم عمران خان نے وفاقی کابینہ کا اجلاس رات 9 بجے طلب کر لیا ہے۔
مزید پڑھیں: وزیراعظم نے کابینہ کا ہنگامی اجلاس آج رات 9 بجے طلب کرلیا
