گوگل نیوز پر ہمیں فالو کریںپشاور: پاکستان تحریک انصاف (پی ٹی آئی) خیبرپختونخوا میں بڑے تنظیمی تبدیلیاں لانے کی تیاری کر رہی ہے۔
پی ٹی آئی ذرائع کے مطابق، صوبائی قیادت میں تبدیلی کے بعد تنظیمی ڈھانچے کو دوبارہ ترتیب دینے کا فیصلہ کیا گیا ہے جس میں صوبائی جنرل سیکریٹری کی ممکنہ تبدیلی بھی شامل ہے۔
مزید یہ بھی بتایا جا رہا ہے کہ عاطف خان اور ارباب شیر علی کو اہم ذمہ داریاں سونپی جائیں گی اور پی ٹی آئی کے ضلعی سطح کے تنظیمی ڈھانچے میں بھی تبدیلیاں کی جائیں گی۔
وزیراعظم کے عہدے کا ناجائز استعمال، عمران خان اور ملک ریاض کا گٹھ جوڑ مزید بے نقاب
اس سے قبل پاکستان تحریک انصاف کے رہنما شوکت یوسفزئی نے پارٹی میں اختلافات کی خبروں کو مسترد کر دیا تھا۔
نجی نیوز پروگرام میں بات کرتے ہوئے انہوں نے کہا کہ پی ٹی آئی کو کسی قسم کے خوف یا اختلافات کا سامنا نہیں ہے۔ انہوں نے کہا کہ پی ٹی آئی کے بانی پارٹی رہنماؤں کے ساتھ سیاسی معاملات پر باقاعدگی سے ملاقات کرتے ہیں۔
